ذكــــــــــــــرياتك باقيه.. حيدر العكيلي

أنه أشتـــــــاكَيت
واليشتـــــــاكَ ما يرضــــــــه بعذر
أنتـــــه ويــــــــــن
يلخـــــــــــذت كَلبـــــــــي.. أريدك
لا تجيب ويــــــــــاك كَلبـــــــــي
أنته أريــــــدك
أنته اريــــــدك
ليش طولــــــت الغـــــــــياب
ليش عفت جــــــــــروح بيه
وخــــــــــل أبشــــــــــرك
من مشيت صغـــــــــــــار جانت..
كل جـــــــــــروح اللي عفتها
خل ابشـــــــرك من رحت
كبــــــــرن عليــــــــــه
ولـــــــــو ردت تعـــــرف عمـــــــرها
شكَـــــــد يصيـــــــر ؟؟
أحسبها من لحظــــــــه غيابــــــــــــك..
بيه جــــــــرحك يخنتــــكَ.. لو مر بي هــــــــوه
بس تــــــــــــردله الروح لمن
بيــــــــدي أورثــــــــــله.. حــــــــــــزن
ذكـــــــــرياتك باقيه..
بجسمــــــــي منحوته نحت كلش قديم
وبيه صفنـــــــة ليــــــل يعرف
موته راح يصيـــــر وي جية الصبــــــــح
ولهذا الناس كَالـــــت
أنته تمثـــــــــال وعجيبه
شلون جــــــاي بغير وكتــــك
انته وين..
وحشه روحــــــــي بنص جسم ..كله أنتظار
وحشه تشبه وحشه فـــــــــراكك عليه
بس تعــــــــــال
بس تعــــــــــال وصلي بهمومي جماعه
بلكـــــــــي تهده
بلكـــــــــي تسكت
بلكـــــــــي تنسه أيـــــــــام بعدك
بس تعـــــــال
بس تعــــــــال وشوفني
شوف بيمن جـــــــــــاي أباوع
شوف بيمــــــــــن..
لا
لا تظن صــــــورة عشكَنه
ولا تظن صـــــــورة درب... من ذاك المكــــــان
لأن ملت حيــــــل من عندي الصـــــــــور
جاي اشـــــــــوفن.. بجفوفي أثر كلش عتيكَ
أثر بــــــــاقي وأنه أدري
يجوز يطلــــــــــــع.. من أثر لمسات أديك
كَمت أشوفــــــــــن وجهك انته
بكل مكـــــــــان
كَمت أشوفـــــــــــن طيفك أنته
بكل مكان
شكثر افــــــــــرح من يمر طيفك بعيني
فرحه الام البقت تنطــــــــــر أبنه
بغربه جان ورجــــــــــــــــع ألهه
أنرســــــــــم وجهك حبيبي
بوجه دخــــــــــــان الجكاير
وتدري انه شكَمــــــــــت أسوي
يطلع الدخـــــــــان مني
ارد مرة الثانيه واتنفسه
بشهكَــــــــــه الغركَان أتنفس هــــــــواك
بس تعــــــــــال شبيــــــــك
ترضى أنته دمــــــــــوعي تطلع فوك خدي
وانته تدري الدمعة حــــــــــرمه
وخذي زلمــــــــــه
وكلفـــــــــه تطلع
يلجم خلكَــــــــــــي أذا.. بس مرني طرواك
وانه ادري اللجمـــــــــــه نار
بس لجمتــــــــــك تختلف
صفنت احســـــــاسي.. بسببها
رجعتلي الماضــــــــي كله
من جنت بول حلـــــــــم
يعني كل مــــــــــره التمرني
تنولد بيه قصيــــــــــــــــــــده ..