المساعد الشخصي الرقمي

مشاهدة النسخة كاملة : جميع قصائد الشاعر عريان السيد خلف


مجيد السيد
05-05-2012, 11:06 PM
http://www.roo7iraq.com/vb/images/smilies/iraqffd.gifhttp://www.roo7iraq.com/vb/images/smilies/iraqffd.gifhttp://www.roo7iraq.com/vb/images/smilies/iraqffd.gif
ردي ردي
ياظعن شت عن هله....وحداي غربه البيه يحدي
ردي....ينباع العشك
وليا قلب تهوين صدي
لا تهيجين الجروح...
اجروحي من تنلجم تدي
وانه من دم ولحم...مو من صخر
جبدة العندي
ردي..مليت الصبر
وامكاطر الدمعه على خدي
وانه خلاني الوكت ناعور
بس اترس وابدي
جورت ليل الصبر...واعجزت عنه
وهذا حدي
بتجي من يغفه الجفن
ما جلمة التنكال بعدي
انه موش اول زند.....يشتل شلب
ويحصد بردي
ولانه بس اتغربة....والمعتنيله يصير ضدي
ردي ردي
مالي حيل امعاتبج
وانا العليج اديت جهدي
غلست عن الكلت والكال
كمت اسمع وعدي
والله جا مل وجزع لو قصتي
على ايوب تسدي
ردي..انه مو طبعي العتب
علما حلاله ايصون عهدي
ويا رخص ذاك الجدم
كون اعله ياهو الجان يبدي
ردي ردي
يالهويتي بلا وجاد ...انوب من تهوين وجدي
وانه خلاني الوكت ناعور بس اترس وابدي
وانه خلاني
الوكت
ناعور
بس اترس وابدي

قاسم الموسوے
05-05-2012, 11:08 PM
شكرا الك اخي الغالي مجيد السيد
على العمل الجبار
موفق ان شاء الله
تحياتي وتقديري العالي

مجيد السيد
05-05-2012, 11:11 PM
ياغريب اذكر هلك
ياغريب
يا غريب اذكر اهلك - والكَالها
.. ابحجية اتلكّت
هيّج اجروح الكَلب .. والعين ..
كت مهضوم .. كتت
ذكروّها .. واعادة اليذكر يحن ..
والروح .. لاهل الروح حنّت
ونتّ .. اوماظن مثل ونها .. الصخر
.. خنساه ونّت
صبّرتها .. اوكابرت عالظيم .. والكابر
.. يظل بسكوت .. ينهت
طاحت ، اوفوك الفشل .. بمصابها
الشامت .. تشمت
شلون ذلت .... ؟
اخ ياروحي .. الكّبل جانت عزيزة
شلون ذلت .. ؟.
ملت امن اونينها .. او عذّالها
امن اللوم ملّت
واصبحت .. مثل الرشة المتروك
من يشله .. جليبة
اوحنت .. اوعاداة المحبين ..
لو حن المحب .. يطلب حبيبه يالتريدين
الولف .. ولف الجفاج .. امنين اجيبه
كافي غيبه .. كافي .. جلمات العتب
عالناس .. ياروحي الغريبة
يالمثل دلّه استوت بوجاغ ما يخمد لهيبه ..
يالتظنين .. ابعظم بلواج .. ما صارت مصيبه
هذا سهمج .. والسهم لوعات
والخانه الوكت يرضه بنصيبه
او هذا طبع الناس .. بيهم بلاوفه
اوبيهم وفي .. اتجيبه الحليبه
وانتي لا جف الينشف العين .. لا دار
الولف .. يمج جريبه
يالحسرتج . حسرة المجبود .. وادموعج
تبدّت
يالعلى اجروحج .. اعز الناس ..
من شافت ، تشمت
يالتظنين الشمل .. يلتم ..
شمل عزّج .. تشتت
شمل عزّج .. تشتت
شمل عزّج .. تشتت

انشاءالله تعجبكم

نغمة المطر
05-05-2012, 11:12 PM
تحياتي لمجهودك الجميل موفق باذن الله

مجيد السيد
05-05-2012, 11:18 PM
غيرتني غيار عود العنه مجرى الماي ينشف
وانه الك لهفه غريج على الهوى المضنوك والهف
وانته تدري بروحي خامه بوسلين واخف واترف
حملتها لخاطرك وانوب ما بيها تكلف
حملتها شوك وصبر خف الصبر والشوك ما خف
لا نفع بيها العدل ولا فادت الجف وياك عل الجف
لا نست ليل الجفه ولا يوم عل الونه تحسف
وابتعد عنك واكول خلصت لن الشرك ملتف
مختر ودربك وعر يا ريت عن الجدم يزلف
يلحنين استاهلك شوكك ولا المصيوب ما عف
غمك نياب الجفه وزاد الجروح جروح واردف
وانت الك عيون المها وكحل بدويه بغير مرود
يلتخليني احترك وانتشل شامه حسن عل الخد
يا معود.تردس بكلبي ردس واحتمل وانته العيب ترتد
واشتكيلك حالتي وتضحك بطر وتزيدني ازود
كافي من نار البعد وليالي الفركه المالهن حد
وانته لا طبعك شري ولا تكرة ولا كلبك اسود
اريحي وكلك وفه وضحكات عمر المضت تشهد
يل بعد عيناك اضل مثل اليتيم الماله احد
يل يحن لحنتي وروحي عل روحه بشوك نتشد

مجيد السيد
05-05-2012, 11:25 PM
منهو أنت
وكأي غريب يطرق الباب كان السؤال منهو انت

منهو أنت 00 منهو انت
اوجا الغريب اعرضت عني اوضيعت كليبي ورجفته
انه من جافاه خله او مانصح وياه وكته
انه زين وشين لاجلك غلست عنه او حملته
كورت حسرات حبيي اوشوكي بين اجلاي جبته
اوجيتك ابتله دليل المايعن واشكثر لمته
جيتك اوجرني الهوى اوطاعه ذليل الشوك طعته
اوجنت اضنك طيب او جفك على الطيبات فلته
حسبت غم الوكت يارخص الحساب الحسبته
جيتك اوحسبالي اخو اوسمت الاخو يطلب ابدرته
ياونين المانفع جارد صخر من مات لاخته
اوياحسرتي الطولت ومكضي ليل اجفاك سكته
صابر اوذوب سواد العين صبري او ماجرعته
وانته ابد ماجنك حتى يوم كوضت حبيي اوبلايه اوداع عفته
وانه جيتك واليجيك بزوم عاني لشوفتك ليه ماعرفته
لاتلكينه بسلام احباب ومحاضن حضنته
ولابجيت الحالته اولانشفت بيدك دمعته
اولاكطعت النفس منه اوطرده الضايع طردته
اولانشدنه هذا المتاني الوفه هلبت يناهي اعرفت قصته
ياندمته يافشلته اشكد تعب تالي ابجحف مكسور بعته

مجيد السيد
05-05-2012, 11:33 PM
چـنت اظنك
چـنت اظنك...
توگـــــــــف ابوجه الوكت ....
واتنشف الدمعه ابجفها
وا چـنت اظنك ...
بالمحبه الفاجده ,اوحنت لابنهه
ثاري ...
ســــــچـينه خواصر !
گـــطع الدال ,سنه
جاسي واجراحك ينزن ...
لو ردت ...
تنشدني عنهه
مادريت !..
المايهزها الريح ...
تالي يخف وزنها ..!
او مادريت ..!
اگـــلوب ...
بشطوط العشك
تركس لذنهه
حايــــــــــــــــــــــر ...
اعيونك الحلوة...
اعله اليود ...
صدهه اشلهلنهه
وانه ...
كل وني .. اوعذابي
لوعة بچـــلاي منهه
واعدت .. واتاملتهه ...
اوردت ...
اوخانت عهدهه
رگـطه ...
نفضت غيضهه
او طبت حفر ...
وامنت سدهه ...؟
ااااخ ...
يانسمة شبابي ...
الغربت ...
ياهو اليردهه ..؟
اوسمت اجروحي الچـثيره ...
او حاير...
ابيا صورة اشدها ...
عاد.يالچـتف روحي ...
ابسلسله جسرات ...
هدهه
لا تذوبهه ابلهيب اجفاك
من كونك تودهه
اوكافي ...
منبت ضيم صارت ...
عاد ...
خل تنجه بجردهه
عفيه روحي ...!
اشلون ؟...
طول اجفاك . ما فـگـدت رشدهه ؟..
وكحه ..
والوكحه طويلة بال ...
تتحمل وجدهه ...
ااااااااخ ...
ياروحي البعد هينوب . مايعدل غصنهه
ورطتني ...
ابزيد واعبيد ...
اومثل فص ملح . بالماي ظنهه
طاحت اباخر ردك ...
وتبرت الخلان ...
منــــــــهه ..
هاي روحي ...
الماتمل منهم ...
وبعد باتعس عسنه
*********************
من روائع عريان سيد خلف
عـــــــــــــــــــام
6\8\1965

مجيد السيد
05-05-2012, 11:36 PM
همت من غير راحة بال بس طرواك تبرالي
على جروحي الجروح تنوح حالي يشد عزم حالي
واهيمن ناحر وية الريح
ياريح الجفة شعالي
لمن جل الجدم هينوب منك ماشفت تالي
واضل حاير ولا بالناس
للسر ضل كلب خالي
ولادانك عذابك يوم
عاصف يردم بجالي
ولاترخص شجاهه الروح عدهه شما تذل غالي
اسل سل الشمع واتناك
وانته على اليسل سالي
وتضل عالطول تبرالي
مثل ضلي وعذاب جفاك كل لحضة يتراوالي
وازيحك من رفيف الروح ماتنزاح عن بالي
واعيش بحسرتك هايم
اشب نوبة بعذاب الروح
نوبة بلومة الايم
واعض اصبع ندم ياهيه ندمة شتنفع النادم
واسبط للوكت للضيم
ليك لشرهه الوادم
عفاني شبية الك نابات ماخلت كتر سالم
ولا سايل ولا عاتب واحن وتغيب عني الروح
وانته على اليحن غايب
دبس درحم وشيل العين
تايب ياصبر تايب
بعد مالي وية هاي الناس عشرة بطيبهه نطالب
ولاخوة وجذب من كال ينفع بالمحن صاحب
دزل دبعد يكلبي ابعد ذب الحبل عالغارب
دبطل شو دبس درتاح
وك ما يجبر العايب
هفة وضل الوكت وياه طول العمر متواتب
واهيمن ناحر ويه الريح ياريح الجفه شعالي
لمن جل الجدم هينوب منك ماشفت تالي

مجيد السيد
05-05-2012, 11:44 PM
تكتر ؛..
كون ما تكدر ...
تدك انكر ...
ــ صبر لليل .. واتصبح ...
ولا جن مر
قهرنه ...
او لا عذاب الاه ...
يا اهي ... اشكثر تكبر
سحابه او لا لبكها الريح ...
لا بيها الوكت ...
حدر
ولا صبر الصبرته ؛ اعليك ...
نافعني ...
ابكثر ما ضر
تكتر
شلك ويه الروح ؟..
شعره ...
او ما تحمل الجر ..!
هفه ...
او عاشت عطش للغيث...
ماهر ...
ــ ابصريمة بر
ولا سرها الغريب انسر
ولا كالت ــ عليك ــ :
ارخص
ياسلعه ...
الفلا تنصر
ذهب شامي ...
او تغش العين ...
وبعين الرخص ..
تزغر
تكتر ...
بلجي اكنع الروح ...
روحي ...
الما عليها اكدر ..!!
رمتني ...
او ضيعتني اسنين ...
سورة ماي ...
بس افتر
ادورن .. والليالي اتدور ...
سفان ؛ ..
ابعذابه ابحر
ولا شاطي اليكلي : ارتاح ...
لا نجمه ...
التكلي : انسر

ولا شرجي لعذاب الطال ...
حن العادته ...
او غير
شمالي ...
او يا شمال الروح ...
طفي الروح من تشغر
كضت ...
لا صدك بيها الليل ...
لا بيها ؛..
الفرح يعثر
او تنطرك ...
وانته يالماجيت !...
لا لجك برد ؟...
لا حر ..؟
صفت سولة هواك الاه ...
لو ما الاه ...
كلب انطر
او ترادت والعتب شيفيد ...
دكه ...
او ساوت العنبر ..!
والاكثر
يل ولا تنساك ...
طيفك ...
لا نشد .. لا مر
او سمعنه الكلب ؛...
يحمل غيظ ...
موش الطيف ...

يتغير ...

مجيد السيد
05-05-2012, 11:47 PM
حِنـٌي حِنـٌي
* * *
حِنـٌي حنـٌي
اشويه ياعين الخشـــــف
خزرات المعاتب جونــــي
من كثر مالوع حتى اهلي
اصبحت جزعانه مـــــنـّي
رافكًــتني الونـٌه والحسرات
من بطن الحِمَلني
اوْهــذا عمــري
امكًـالب اوْيه الضيم
مامر الضحج مـّره اعله سني
اوْهذا حجي الناس اون من لوعتي
اوكًــالوا يـَغـَِــنـّي
فـَتـٌر إعيونـَك
تره اعيونك كًـصن بسنين عمري
إو ذوٌبـَني
آنه أحِب منهن نبـِل مغتــاض
خلهن يوجعــنـّي
ذابل وكَـاصي
العطش وياي جاهلبت رونــّـي؟!
انـسه حزنك لايحن حــــزنــي
اوْعلى اعناد الحزن يازين اغـَنـّي
حتــّه اصيحن ياحسرتي اتباعدي..
اوْيابسمتي الضاعت تـِدَنـّي ..
آخ مِنــٌي
وآخ من عمـري الخلَص
بس بالتمنـٌي
وسـِرِت بيها وصحِت عِنـٌي
أنـه ياروح هدوة ليل
موش اول هرش واسَن بسبـّاحي ولِونـٌي
آنه مثل الناس لِكزَنـي إبرمح بوكَ وجِفَنـٌي
ضيٌعَن دمٌي ولا جنهن الكاتل وأنكرنـٌي
يالتلجـٌيـن إعلـَه
شوف السود بس اكًـفن نســــني
ثكًـلن حمل البعد وآنه الرجيج اوْكلفني
ذو بي من نار الجفه اوْبدموعج اليجرن
تِهـَنـٌي
اوْعني خليني استجن يمعذبــــه
اشتردين مني؟
اوْهذا عمري
امكًـالب اويه الضيم مامر الضحج
مرٌه إعلَه سنـٌي
هذا حجي النـاس
اون من لوعتي اوكًالوا: يغنـّي

مجيد السيد
05-05-2012, 11:52 PM
اعز من روحي
* * *
أعز من روحي أحـِسـٌكْ
وانته اعز منـٌي
ياحسبة عمر ..خاويتها إمن إصبــاي
بـِطلـَتْ صـَفنتي .. وما بَطـٌلـٌتْ مني
أحــِس كًًُــَلبي الفـِضـِي..متعوب حد الويل
وأدعيـله الصَبُر.. عن لا يفشلني
جَسٌيت الليالي ابمرود الحلوات
وسنين العمر بالشيب جسنـٌــيٌ
اضحك للبجوا.. حد شرهة المنكـَود
وابجي ابكل مزنتي.. الطور المغني
لاغرني المدح... بشفاف المحبين
ولاهـمني الشماته اشما حجوا عني
يلتمٌن علــٌيه... امشتتات البال
وانفضهن نفض
وانهض ولا جنــٌي
وليت.. وعف ضميري .. وماكسرت العود
ولـِسـِن.. شبه الزلم .. بالعلن سبــٌني
كـفاني امرح.. ورع.. والتذ بحب الناس
وعملات الكـَبح .. ما يوم خاوني
لا ِزحتْ الحيا... ولاضيٌعت معروف
ولاخنت الوفه.. وربعي اجفلوا مني
أضحك بالوجوه.. ابغير راحة بال
واصبر لو .. ليالي العسر ضكني
واكابر عالشدايد ... حد مصب العين
واسكت.. لو دثو من الناس لاسـٌــني
واسامح .. ما أبحــٌـر.. وين حد الغيض
وأزلف ..لو حوافي الزعل وازني
وينشدني صديجي ..المانشد عني
كـَـبل طبعك الونــٌـه ..وصاير اتغني؟
كـَبل عينك محطه .. وخاطرك مكسور
هسه اعله الثجاله.. اتفوت متحني؟
واجيبه ابكل برود .. وعودِتي ابسـنـُي
استراحت مستحاتي .. وعاكستني الريح
لاني من الهموم . ولاالهم مني
أنا ابن العاصيات .. من الليالي السود
لاريد الكـَـماري .. ولهن يردنـّي
ارضعتني امي ابدمعها .. من عرفت الصوت
وغطـّــتني بحزنها ... من مشت عني
خذت روحي اعله ضيمي ..وماشكيت الحال
او يمنــّـوني: اشتبي؟
وما كــَـلت: متمني
علـّمت البعض .. نكـَــل الجدم عالكـَــاع
وأول ما مشن.. بالزلكَ لبــّــني
اكــَول : اتغـّيرَت... والناس ماهي الناس
رضـّـاعة قواطي.. وخـّيبوا ظني

مجيد السيد
05-05-2012, 11:56 PM
وادعيني وداع المحبين ماضايج حلاته
وادعيني بدمعتج
خلكي عله الدموع شفضاته
انه مثل الطير
لو طاحن طوارف سبكاته
لو مثل ضامي ابظهاري الصيف
من تنشف لهاته
عايش بنارين
اهن نار الجفه ونار الشماته
وانتي تدرين الوكت يردف علي بمكسراته
حطني دوارة كطب للضيم
وافترت رحاته
لا نهار ايريحني
ولا ليلي ليل الناس اباته
وادعيني
وداع الامايه لولدها
اثنين اديهه موسراته
لا تبرد شوكهه
ولا تكدر تهده لغلاته
وادعيني
وداع مضنوك النفس
ودموع عينه مونساته
وبعده ذاك كلبي
الطيبة ذاته
انه
ذاك انه اليعيش ابطيف
لو طول بعاده
يل بسمتج فرحتي
ورفة جفن عينج سعادة
يل تبوك عينج من الليل
كل لذة سواده
يل حنيني لشوفتج
حن السكن
غربه البلاده
يل تكولين الونين ايجيد
ون الروح عاده
هذا جانون الكلب
يسري اللهب حتى برماده
وادعيني ابسمتج
اهوه الوداع البي جلاده

مجيد السيد
05-06-2012, 12:02 AM
ادك روحي .. نذر للجايب
ابشاره
واورجه اعله الجروح ، المالهن
جاره
جرح ينزف .. جرح باني .. اعله
بسماره
- خجل .. والمايخاف اللوم.. يرضه
ابذلته وعاره
يالمبشر .. مته المكَصوص جنحه
ايطولن اكَصاره ؟
ومتى الوكت التراده ، ايبدل
اطواره
ومتى العايش غريب ، ايأمن
ابداره ... ؟
دَفك عينك ، زمانك ليل ..
ليل .. ايريدله انطاره
ولا كلشي الجليته ايطيح زنجاره
ولا كلمن يموت ايضيع تذكاره
هلبت .. مات
(جيــــفاره .. ؟)
اوهلبت .. (هوشي منه )
انكَطعت اخباره ..؟
عمت عين الوجاغ الماتشب ناره
ولو دنياك غداره
ولو .. جرحك .. جرف تعبان ..
تغفه الآخ باكتاره
لجن .. بيه العتب شاره
امن اشوفن : دانك السفان ..
صار الروج .. حدّاره
يهلتشبر ، خيال الليل .. وترد
كَاصره اشباره
اعله هونك .. بيه الك حسبات
كلها اغيوم مطاره
ابدمع ، يا دمعة المهظوم .. ما
ما تعتاز .. تسياره
.......
اعله هونك .. من يهاب
السيل .. لو ينخاض
تياره
اعله هونك .. من تربّه اهلال
.. غطت غيمته انواره
دَذر ، جرح الصبر بارود ..
خل يتباهن اكتاره
آنه الجرحك .. عشت مجروح ..
وانته .. ابعشر معشاره
الم بيه الوجع نيشان ثاير ..
ما يرد ثاره
واهزك هزة المطعون ، من تتلايم
اكتاره
اعله وكتك والوكت مشوار ..
غمّه الباع مشواره
واداري العيب تتداره
اداري العين .. وانته العين
.. والدم .. اورفيف
الدم
اداري الآه .. انته الآه ..
وانخه الروح .. لا تهتم
اداري الحيف .. كل الحيف ..
ظل بيك الحلم .. يحلم

اداري اوكَضت روحي انذور ..
لاوِد لا شمل يلتم
يهاوي الروح غم الروح كون
ابشان ما تحلم
لَوَن .. شحت دموع الغيض ..
خل دمع العتب .. يلتم
ندامه ، اعله الشرف .. ينداس
والداس الشرف .. يسلم !؟
ندامه ، اوعزّة المندوم .. وكت
الثار .. يتحزم
فشك .. والمافهم معناك ..
بزمور التفك .. يفهم
او جرعنه .. اشجم شكل
علكَم .... ؟!
وِنِت طيف المحبه .. اوشوك
الولايه
انت .. زخات غيمه .. ابكَاع
صبخايه
يشاتل بالكَلب دايات .. دايه
اتلوب .. من دايه
يبو الشط التعيش اوياك ..
قصته .. طينته .. اومايه
اشتكَل للطاح .. بين ارماح .. كلها
اوياه كَصايه .. ؟
اشتكَلي ؟ .. اوبيك روحي اتموت
وترد .. بيك تتحايه
ابرجاها ولو كسرها ايجيد .. تصرخ
وين جباره .. ؟
اوثكَلها .. اوعادة المضهود .. بالمعبار
.. يتباره
ولو .. جرحك جرف تعبان ..
تغفه الآخ .. باكتاره
لجن .. شانت على المذبوح .. دمه
يضيع فجاره

مجيد السيد
05-06-2012, 12:06 AM
جلج تايه
دخليني ... هرش فتني العطش ...ما فيض بعد الموت يحييني
دخليني .. جلج تايه ....يزتني الموج ما جالي اليوجيني
دخليني ... وعدكم يا ملح بالماي ...باك النوم من عيني
وتذكرني .. وتظن انسيت..وآنه الصبر ناسيني
واكابر يا عذاب الروح ..وين الفرح .. دليني
تعده.. ولا يكللي ارتاح ..راحك ما يسليني
تعداني العمر .. والضيم ..باحلى اسنيني راميني
مثل كصبه اصبحت والريح ..تاخذني وتوديني
كفايه مرادف الصدعات ....بيه اجروح تكفيني
ولو شمس الفرح هينوب .. ما مرت روازيني
لجن عز الدمع بالعين .... والصد ما يبجيني
لرد واتفكد سنيني ....وادك راسي على كاع الشوك..بلجي اهك توعيني
واردن لا وشيل دموع ....لا حسبات ...تلويني
دخليني...دخل سباحتي بطيني ...ولو غيرك نبع يا فلان .ما صحش يرويني
ولو طيفك هذاك الطيف ......يجعديني .. ويمنيني
يضوكني الفرح ساعات ......ويهيج مجاميني
واشوفك وانت ابو الشامات ...شاماتك حبر صيني
والومك والملام ايطول ...عينك ما وفت عيني
تعده ... ولا تكلي ارتاح ...راحك ما يسليني
راحك ماااااا يسليييييييني

مجيد السيد
05-06-2012, 12:08 AM
بالصدفة ....
ذوبت روحي بخزرتك
والروح كلش ترفة
حتى المفاصل ..والضلوع
أتناوبن بالرجفة
وك روحي وصلة بور
يابو الفيض
والبور شو كت يتكفة
أو شنو انة
لو شعرك ابهبة ريح طار وهفة
ملهوف ..وانة وياك
لبلابات كلهن لهفة
نتلاكة يلوينة العطش
والورد رشفة برشفة
أو بهداي يالدوسك خنج
روح المتيم خزفة
سنتين وانا اتناك يا تموز
صاير ...حشفة
وانطبخ مرات الثمر
او طبخة اليابس كلفة
أو بلجي المورث يطفة
وجانت قبل روحي ثكيلة
أو بالمعانك تجفة

عريان السيد خلف

مجيد السيد
05-06-2012, 12:15 AM
ادنانه




هذاك آنه.... الكطعتي الماي عنه ..وعاش باحزانه




هذاك آنه ..الشراع الماكسر نوماس سفانه




وهذاك آنه ....الربط بالمستحه لسانه




اعت روحي .. ويعتها الشوك ..واشتلها على بيبانه




ابصبر .. بلجن يمرها الطيف ..ياخذها على جنحانه




يوديها لولف مامون ..تغفه ابطيب ريحانه




وهذيج انت .. شمجلب بيج ... لنج طالعه ادنانه




اشرخص بيع الرخيص ايصير ..لو ما ثكل ميزانه




يسررري الجزع كتمانه




هذاك آنه ....الونينه ايدلي المتيهين .. لو ضيعو عنوانه




وعذابه ولا عذاب ايوب ..مر مره على بيبانه




وعتابه ويا عتب جندوب ..متعلك على اردانه




ايعمت بيك..ايتسلى وياك ..واترده على ديدانه




وجد ... وملاوح الدمعات ..مل عيون ندمانه




وهذيج انت...الخطيه ..الما رضت تغفر خطايانه




ورمتنه ..وحملتنا اهموم ... فوك اهموم دنيانه




وجفت ... لا بخت الملهوب ..ولا وجت بكايانه




وهذاك آنه...هرش لو شح عليه الماي ..كوه ايعيش باحزانه




كوه ايعيش باحزانه




كوه ايعيش باحزانه

مجيد السيد
05-06-2012, 04:00 PM
لا تتمنة ياكلبي لاتتمنة
ماطول جافانة الهوة وبطلنة
وك لاعين ظلة خالية ولاظل ولف يتعنة
وك لاتدك يلدكك قهر مقفول باب الجنة
وهينوب مابشرناً
ايا وكتنة الما صفت نيتة وزرك عيناه النه
وطحنة بوسط شلوة هفة وكل ذيب سنه
وردنة نكف وهوش نحمي الروح ما امجنة
وانت بجلالة عين صحت اكلنة
وما طول راضي استاطنة
ايا خسارة نوحنة رخص ذيج الونة
ردفن علينا اسهامكم وعلصبر دامنة
لا احنة لدنية صفينة ولاهوة الدنية النة
متبدل بطبعة الوكت لو احنة التبدلنة
ايا هواهم باول ايام اشكثر دللنة
ومن وصل طينته الظهر كلهة تبرت منة
لاسالفة بشفت محب لاعاذل اليعذلنة
وحشت دنيانة وصفت جنهة ابد موش النة
متبدل ابطبعة الوكت لو احنة التبدلنـــــــــــــــــــــــــــــــــــــــــــ ــــــــــــة

مجيد السيد
05-06-2012, 04:08 PM
لاتجينه ..لا تجينه

جان كلت ابوجه الابيض غير معشركم لكينه

جينه مشتاكين وبلهفة وتسد بابك علينه

جينه يدفعنه الهوى او دمعاتنه تكطر بايدينه

او جنت اظنك عندك وفه وروحنه من فرد طينة

غمكت جرح الجفه او زدت القلب ونه لونينه

اعتب على الروح لنها على ريحتكم حنينه

واعتب على الشوك والعشرة وسوالفهه الحزينة

علمتني شلون يتبره الاخو وحمل اليكع محد يعينه

عفية صحبة هالوكت بيها اليجافي اشوكح عينه

او لاتجينه... ما اجيكم واليدك بابكم بعد تنشل يمينه

او اجينه مدري الجدم زل بينه على دربك لو عمينه

او جيت ارد روحي البقت سنتين بديارك رهينة

او جني ضيف او عادة الينضاف للخطار يرخص ماي عينه
وانته ما جنك ربيت ابماينه او شارب حنانه

وانكرت حتى العرف يوم الوكت بيدك رمانه

عفية قلبك هلبت ابساعة وفة او بالك طرانه

او جينه نشكيلك عذاب جروحنه او لوعة هوانه

اخ..يا دمعك فلا يبطل يهل لمن عمانه

يا عفه قلوب التشيل الضيم وشنحمل عفانه

او حتى اعز الناس من طحنه بهظم جاروا علينه

او من وصلنه لدارهم كالوا: شجابك؟ ..لا تجينه

عفية صحبة هالوكت بيها اليجافي شوكح عينه

مجيد السيد
05-06-2012, 04:10 PM
قصيدة ما افيدك // للشاعر الكبير عريان سيد خلف //
----------------------------------------
ما افيدك
ياليعز دمعك ... شلك بدموع عيني .... اتريد ازيدك
لا يوصي الناس واتكلف كلب تعبان ... كفارة بريدك
لا يذوب شمعة عشرين ...والعشرين جالزنجيل بيدك
لا تحط نفسك شكص نوجات وانت احجاية العاذال يصيدك
لا تحط كلبك على صوبين كل وصله بكتر واتكول : اريدك
يالشلت كلبي .. او لضمت الخيط .. بجروحه .. اعله جيدك
ما افيدك !

انه راضي ابحالتي او حالك ... عِله ويصعب مناله
مغتر ..او طبعك عوج .. متصلب او يتعِب عداله
انته دمعك بالمثاقيل انشره ...او دمعي يهل ... محد بحاله
انته عنبر .. وانه صم ادنان وانباع برخص ، محد بحاله
يالسكن وسط الكلب .... وايروك متغاوي ابدلاله
انته فاله .. ركشت ابكلبي .. اولجت نابين .. واكعدها الدهر للجنه اجماله
واصبرت راضي ابعذاب الروح ... والسكته .. اصبحت وياي حاله
يلي جامع بين الطبع ... الذيب .. واوصاف الغزاله
حلو ... او عادات الحلو من كثر ما يغتر .. يحط لوله ابجماله
ماله وكتي اوياي ، ورطني ابعشك جذاب ..... ماله ...؟
شفج .. بس ابدفكه الدمعات ... خلاني عله باله
جالغريج الجرته الخوره ... لغميج الماي ... واتعذر نتاله
يلي جنت وياي .. متساوي السهم ... والوكت حطني .. اوراح شاله
اتنزت روحي .. اوصفت تعرض عن اسمك .. ما تريدك
يالعلي اشفافك تحط ... بسمه او نصل سجين بيدك
يالحسرتي اتونسك ...ومجاذب الحسرات عيدك
ما فيدك ...... ما افيدك
ما افيدك
---------------------

مجيد السيد
05-06-2012, 04:15 PM
حيف
ذمني ذم الماعثر بالمستحة
او لانكت زيجة
اومر علة اسمي ابشيمتك
مثل اللكز رمحة ابصديجة
اوجود وكتي وياي جاير
والعمر تيه طريجة
وتاه يتخطة الليالي اوناب المعاتب رفيجة
ايناطر اضنون المحبةاو يفرز امن الضيج ضيجة
او ضاع جالعاكة وهواكم ماي مايطفح غريجة
او ضاك لوعات الندامة
او ليلة مرة اتكود ليلة
اتنام حتة اجروح كلبة
ويكضي ليل الله اعلة حيلة
امكالب وليل التجافي
ايريدلة ابتوت التشيلة
بهيدة يالماراد يوفياو لاعرك وجهة الجبيلة
ابهيدة موكلمن يلوج امن الوجع مصيوب جيلة
وموش كل ميت يهيه ابعين مشفج ينبجيلة
لكن او ذمك تعدة او جلمة الصاحب ثجيلة
خشنت كلب الشفاكة اوهدت امن الحيل حيلة

مجيد السيد
05-06-2012, 04:18 PM
كوه...كوه
اتريدني العذال ارد للشوك وهوه

ومادروني اظحك ظحك ..
مجبود...
جلمكيود كوه

اومادروني...
اسحن سحن با لروح...
واحزن...
هالعذابابسمل جلوه

خايف السانالبطر واضحك...
جذب
والنارجوه

اوصابر...
اوروحي ابملام اللايمين...
ابتلت بلوه

حارت وياهم..يذكروها...
المضه...
اوكالوا : اشدعوه..؟

وصبحت مثل اليهد...
اوحيد...
وبعازة الخوه

يلولي...
اوخالي الظهر...
مهظوم بدموعه ايتجوه

ذكرت روحي ابتعبها...
الضاع...

جالهويه ابشبج والراح فدوه

ونت...
او ون توالي الليل..للمالوم سوه

بارت.. اوجار البزل...
شيفيده..
من يحن ابعلوه..؟

اودورتصاحب كلت :
بلجي
امن المجافينه اشوه

لنه ركصه خيط...
وبسم
الثعابين يتطوه..!

ارد اشج روحي...
ابرمح
حسراتمن تذكر الخوه

وارد اصيحن:
تايب...
امن الشوك
ماضل عمر يسوه

مجيد السيد
05-06-2012, 04:22 PM
يناهي الشوك ذمٌـه وذات من ذات
وفرق مابين حالي وحالك إبعيــــد
سنه وصدٌك يِضَـوك الروح لوعات
ويجَملٌي الجروح جروح ويزيــــــد
أبات إبحضن صبري إليال ويباتْ
جرح يصحه وجرح متغصٌب إيهيد
وأكًًول إشوالف السرحان للشــاة
إعله سـجٌه وكًاوداه الإيـيد بالإييـــد
إلك جـانت يحلو الطول جيـات
عجب تبخل علينه إبجيٌـة العيـــــد
******************** **********
تنينه وأملينه إجفونـٌه إبطيفْ
وصبرنه وصبـٌرينه الآه بـــــالآه
وتحسفنه الحســافه وحيف عالحيـف
عله إسواجي الدموع المالهن جـــــاه
وعرفنه وعود حبك غيم بالصيف
المحل وين المطر بالصيف يلكاه؟
إشيصير إعله الترف لو ينحسب ضيف
إعله غفله وعيد وصل الزين محــــلاه؟
أنه إبعازة الموت وحاجبك ســيف
وأمــوت إبغير صدٌة غيض ماريـــد
إلك جانت يحلو الطول جيـٌات
عجب تبخل علينه إبجيٌـة العيـــد
******************** **********
أحن لمسامرك ولكًاك شلكًاك
شَرِي المعشر حلاوة شــوك مابيــــك
يمر صيفك صبر وتنَطٌر إشتــاك
تبيعك عزتـٌــك وبذلـٌـتي أشريـــك
تراك ويه النفس يلماتجي أشراك
وبالدم اليدور تدور أحس بيك
يبو الروح إعله روح إهواك شلهــاك
وإهي إبعيـن الشفاكًـه إليال تِربيــك
أبد ماسامرتها الآه لولاكْ
ولا جـان إعله دربك لاويــه الجيـــد
إلك جانت يحلو الطول جيـٌات
عجب تبخل علينه إبجيٌـة العيـــد
******************** **********
أنه ولا كًـول عنـٌك غير معذور
ولَو ماظَلْ عذر للروح ينكًــــال
لـَجَنْ ون اليساهر ليل معـذور
ألم لو من وكت لو من ولف شــــال
وانه إبحالي إعله صبرك حال مزهــور
صبر ومكابر المحتـــام جَتـــٌال
إلك عمري إعله زين وشين منذور
ولَو من السنيــن إوشال ما ظـــال
لـَـجَنْ يبقه الجفن للطيف مسمور
ويظل راجد عليها النوم ترجيــــد
إلك جانت يحلو الطول جيـٌات
عجب تبخل علينه إبجيٌـة العيـــد

مجيد السيد
05-06-2012, 04:49 PM
للشاعر الكبير الأستاذ عريان السيد خلف


تنيتك عود .. ينشاف العطش بيه ..
او عله .. المامش ، اهروشي اتجود
الوذ ابشيمة العاكَول .. واصعد .. عله
الآه اصعود
ومراوح يعمر اجفاك .. جرح ايصيح ..
او جرح يهود
او تنيتك وانت ميت شوك
ظنه اعله اليموت ايعود
اتاني الود .. يدمعة عين .. طاحت
وشيردها اردود
واشعزة الدمع بالعين .. لو ..
شح ساعة المنكَود
خليني اعله بالك .. طيف .. لو عادت
ايامي يعود
او خليني اويه دمك شوك .. من
شوكي البلايه احدود
ومحالل بعت وشريت .. بيهن والعمر
معدود
او مو ندمه الغزالة اتطيح .. صيده
ابشبجة الصايود
لاجن يالعزيز الحيف .. عالصايد
يكَع مصيود
لو ذيج الليالي اتعود ، او لو شطنه الجزر
يومين .. خنياب .. او يرد صيهود
جنت اصرخ : يهلغراف ما تغسل
اكَلوب السود
وتشلبه اعله سور الغيض .. لو ..
باب العتب مسدود
وكَبالك وافك الروح .. من .. حبل
الوفه المعكَود
وتكتر ولك دنياك .. خل تنكَص ..
او خل اتزود
واتصبّر .. يكَلبي انعيش .. تتواكَد
واكَلك هود
دنياتك نحيسة عين .. والوادم ..
خلية جود
وصوابك .. يجرح الآخ .. كل آخ
التلجمه يزود
يمعتب هظيمه اعليك .. تحصد ..
باثة المحصود
او تعتب والعتب مدفون ..
جثة التم عليها الدود
جثه التم عليه الدود
...........

مستوطن افكاري
05-06-2012, 08:23 PM
يسلموووا
ع
المجهود
يعطيك العافية

مجيد السيد
05-06-2012, 11:11 PM
شكرا لجميع من مر من هنا ووضع بصمة

تقبلوا تحياتي

مجيد السيد
05-06-2012, 11:19 PM
نيه وحشه
وابره بيك
وأغسل ذنوبي .. وواكح مستحاي
واقطع ابروحي العطش
وامروّة الحلوين ماي
ايضّيع اجروحي غواهه
ويعتلك شوقي جرح
وانته داوي
ومامش
المامش بعيني جزيره .. ونيه وحشه
وفكر ما صافي اعله راي
ايداهر اعيوني حلمهه ابليله ظلمه
وقبل ما يغفه الجفن يطفه ضواي
وبيدك آنه .. تاخذ عيوني
وتعبِّره مدد دنياك شوف
وتلهث بدمي .. عرج نخوه
وحيه
وساعات خوف
وتحتي بروحي .. وكاحه ونفس دافي
ودفقة امروه ... وعتابه وليل أوف
وأنه بيدك
لو شكتلي القيض عينك
ما تلم فيضي الكفوف
اربات كاع
وما شبك ليل الولايه .. ارموش عيني
ولا طف اصبيهه الضوه .. وعيت اتشوف
بيه حس الساجيه ..ولون الشموس
او بيه طعم السنبله .. وطيب الزلوف
اتطوف دنياك بدمعهه
ما رضت روحي
ابزعل موحان أطوف

مجيد السيد
05-06-2012, 11:23 PM
كول
يتشاوة الجرح يلهم ترابه
ويعتلك نجمه على كل هامه رمح
وحجي ترضى العين يطفيها دمعها
ولا تحس ليلك ظلام بلا صبح
بيك يشتلني فرح كلبي قصيدة
ويصعد بهرشي بحياتين الملح
انا اصحلك صدى بساعه العازه
البيها جفك للسوالف ما يصح
كول
اجيك اعيون ذيب
وغيظ حيه
وغيمه امروه
وهبوب اعذيبي اهب
وبيك اذبل كل خضاري
وشبت الصفصاف اشب
نب
يابو جروح العزيزة
اجروح ذله الماتنب
وصحي شمس الطايحه شمرخص ضواها
وشمس المعليه الظهرما تنشهب

كول
اواددلك الدنيه بكل حزنه بكل ثكلها
وارضى حد الشوف يطويني القهر
ومشي جدم المايعرف اتراب دربه
امحاللة وياه السوالف لوعثر
وعين التصاوغ بسمها
يضيع اسمها
ايضع بيها المستحه اشكد ما كبر
وبال من
نلكه بعد منك وصية
وك ابال من نلكه بعد منك الوصية
ابال من تتخاوه جرفين النهر
ابال من تحتام اديه تشتم تعبها
وتنفض من اطرافها اتراب لخدر
ابال من تلكه السمه ولايه جديده
اطفي ظلمتها وتوجلها الكمر
ابال من والصفنه تشتلني علامه
ويطفح بهرشي حياتين الملح
ابال من والصفنه تشتلني علامه
ويطفح ابعيني النشد باول مهد
وجلمه الخوف الذليله
اتضل غريبه
اتضل بعيده
اضل مثل بوسه حلم من غير خد

تحن اسنيني لسنينك
سعد يربة على حد الموت
لهفه المايك وطينك
اوادد كل سحابه اتفوت
وشتاك الشمس عينك
عمر
والكه لعمر مذبوح
بين انياب حدينك
لهيج كل جرح مامون
والجم كل مجامينك
ولوجن لوجتك ودي
وسكن حال تسكينك
وحدر للتوالي البيك
واتخطى الثلاثينك
وكلك يالخذاك الطيش
متباهي بنياسينك
يالشاليلني على جف لموت
ودموعك ترس عينك
كضت وبجفه المشتول
يامرخص سجاجينك

مجيد السيد
05-06-2012, 11:26 PM
اتلولحي ابروحي كصيبه اتلولحي......................
اتلولحي ابقلبي قصيده اتلولحي...................
احنه خلانه وكتنه.......
اتراب بحلوك الرحي.................
اشما يطول الجرح بينه...........
ايطيب بس ما ينمحي....................

اتلولحي.....اتمرجحي
اتلولحي..................
صوتي جزاني......وعافت اعيوني الحلم

وتايه..
ومامش علامه..............
.....وملت السجه الجدم.......................
طشت اسنين المحبه ......ومن بكا ياهن شلم
مره تغفه اجروحي بيه
ومره احن ونلجم.......

اتلولحي...............
اتمرجحي.....................
اليا كتر؟.........
اتريد بينه اليا كتر....................

ولعبت بحالي الليالي...................
وما لكه اولايه العمر....
سولة الناس الملامه ......
وحنه سولتنه الصبر.........
وشيمة الكاع ابصبرهه..........
اتشوغ لهفه وتنتظر................
اتلولحي..............
اتلولحي..................

مجيد السيد
05-06-2012, 11:30 PM
لو تدري شكثر تعبــان
ألهث والدموع يخَضّر إلهة لسان

تِلتم بالدمع سِچّة علة مَدّ الشـوف
و أدِگ السوالف بالعتاب إيشــــــان

تعبان

أشتم الصبر من واهس المهضـــــوم
من صبر الشمس من شوگ المُغنين
و أحزن تَرس حيلي إلهُم حِزن مِعدان

ما تِطفة الشمس ما ينچفي الفِنجـــــان

ما تِلتم إدَيّة بعين هـــــــــــــــذا و ذاك
ماجول الخِشب حَدر الخِشب لو لان

ما و ليا حَد و يا حَد

ترة طبع الجروح ، الآخ ، من تبرد

و آنة و روحي : كُفر و إسلام
بين السَكتة تِتوَحّــد

آنة وياك بدرُب جِدميـن
نِمشي شما جِزانة الحَــد

و أحِس روحي فَرَح سَفان
أهب الريح بشراعـــه

آنة وياك الهِرِش و الطيـن
يمتد الهرِش لو حوتِمَت گاعه

آنة وياك الزمر و البين
يتلاگن مگص لو دَگت السّاعة

مجيد السيد
05-06-2012, 11:39 PM
اوراق يومية

جور..
اشما طفح غيظك على الناس..
سليل الظيم الك بالساس نداس..
لون تكبر حقد..
نكبر علامات..
وكذب شمس الظهر بالباع تنجاس..
تذل كثره الكصص..
حد لطخة الطين..
وكصصنه..
ابشدة التاريخ تنباس..
فرق بين اليبيع اسمه وسجاياه..
وما بين الوفي..
المادنك الراس..
ومن بين الحزن والاه والياويل..
ومن ركبت طفل..
ماكاوت الميل..
ومن بين العطش..
والجوع.. والنار..
ومن بين الثواجل والمجاتيل..
ومن بين الصبر والطيف والحيف..
ومن بين الجفوف المالهن حيل..
لون ليل الغدريكبر علامات..
نشع نجمة صبح ونشنش الليل..
مهو وحدة الصدى الصادك مع الصوت..
وابن ليلة غوه اليتهيب الموت..
هلج يا كاع لا ترجف حناياج..
يخون اسمه النجه ابروحه و تعداج..
ولون هبت عكس ريح التغاريب..
وسحب روحه السمه..
احنه عيونه اسماج..
ذره ايامج كحل واسمج مواويل..
ودمنه ايهون الج لو غيرنه انطاج..
وحك ليل الجرح والويل والحيل..
العثره اشما تصير ايفوته السيل..
وحك ملح الخبز والطيب واللون..
يمر الموت بينه وما يمرون..
والمنازل شرعبت للنار والنار..
تشب.. هلبت تفرزن دار من دار..
يلطخ صفحة الانجيل كانوص..
ويلوث صفحةالقران غدار..
ويساوم على الشرف والناس جاسوس..
ويبيع ويشتري المهزوز الافكار..
وحك ملح الخبز والطيب واللون..
يمر الموت بينه وما يمرون..
وتهون..
اشما طفح ميزانها تهون..
الوكت صهوة مهر وتجيب البطون..
وعرفنه السلطوا سيف الوصايات..
باسمنه شكد حجوا..
وشكد يجذبون..
وعرفنه الريح من تقسي ويهالاشجار..
يوهسا الكطع بالخاويه ودون..
الشمس غاية وشرف لليعشك النور..
ودربقرص الشمس من كال مامون..
وحك اخر وصيه من اليطيحون..
يمر الموت بينه ومايمرون..
.

مجيد السيد
05-06-2012, 11:44 PM
اخذني وياك



جملني بعد كطره .. وخذني وياك



هناك .. الفيض كلبك ..

حتى روحي تنام

عصفورة جرف .. بلل جنحها الكيض

اخذني وياك

امشي ابغير واهس ..

والطواري كصار

وعيوني غرب .. وجفوف اديه اوداع

واسمي .. ابغير معنى ..

وميل كحلك غاب

وتنشدني اعله كلبي!

كلبي حب وذاب

ياكلبي حلك تنور .. لو سرداب ؟

صوغني .. ولو من ليلكم نجمه ..

تبات وياي

ومن تشبع سهر ..

ويجيسها الوهواس

اطفيها ابصبح ..
والغبشه رشكه ماي

واشعلني ولع ..

يدوي العطش بالعود

حتى انزع جلد روحي ..

وارد لصباي

أملني الفرح بسمك .. ورد عالباب

فاحت ريحته .. ولنك بعد ماجاي

بعد ماجاي!!

من ياصوت أصيحك ؟

والصدى ايجاريك

واكلك : مكدرت .. يالتكدر ابلياي

مجيد السيد
05-06-2012, 11:46 PM
وحشة ليل
****
غير حبك يابعد ولفك شريد
عايش بروحي واشوفنك بعيد؟
تنتهي الدنيه
ويظل حبك جديد
وشوفتك
طلعت بدر يوم التمام
سلمت وانت ما رديت السلام
بهيدة يانسمه
ويه خصلات الحرير
ايطير كلبي ويه الشعر لمن يطير
كلي لو تجبر خواطرنا شيصير
وعالطواري عيوني التسهر ..تنام
بكلبي وحشة ليل
وعيونك نهار
وروحي جدبة وضاكت بحبك خضار
وبسمتك
فرحة بوجه كل الزغار
ويلي انه اويلي الهوى اويلي الملام
روحي صفصافة وعلى شاطي الوصال
تنتظر جيتك يهل المبعد تعال
حته لو غي الليالي يزوك عيونك دلال
انه كطرة ماي اصير
وموتي بجفوفك حلال
حبيبي الدنيا فضية
وروحي مضنوكة مرار
وشوكك شكد كاصي بيه
ساعة بارد ساعة حار
ياهنه وياشوك روحي
ياعزيزي ويا مزار
يطفح بجفني حنيني
ومن حنيني عليك اغار

مجيد السيد
05-06-2012, 11:58 PM
ديـ،ـره كمـ،ـر


رد الكمر واشتهت روحي اتنشف الدمعه ابعباته


رد عزم مليان كل نكله جدم منه شراره نار بعيون الشماته


مفتن ومدرع فشك والفشك بالعازه اشحلاته


كمر مكصد ضيج لو جار الوكت والصبر ذاته


عاد واتلكته الديره ابكل بواجيهه وغناها


هذا ابو الشيمه الشهم ناطور ديرتنه و طوافيهه اوطانهه


هذه ابنهه الشكف بضلوعه السجاجين وحماها


مالهنه ايام عنه ولا تهنه ابنوم وارتاح و نساهه


لا كمر مظن نساها ما نساها من كصت بيهه الليالي الصيف من عينه سكاها


ورد اجه و شيم الديره و مضايفهه و طناها


و دك رجل مشتاكه لصدور الحراميه افشكاته


كمر مكصد ضيج لو جار الوكت والصبر ذاته


يا فرحنه اسنينه الطالن والفنه جثيره حزن ونياحه


ومشاعل نار بعيون الاميره


هسه رد بصمه جف بارود والبرنو كصيره


يحلم بحب الاميره


يحلم ابليل الضفيره


ما يرد ما يجل باع الشهم لو طول المسيره


و كمر كل لمه زلم تحجي بغلاته


كمر بيدر للصبر والصبر ذاته

يا روازين الفرح هاون كمر فاحت كهوته


بهيل يا هيل المضايف من كمر لذه نخوته


كمر يا شمنه حشر شك اعله الكاع البور بدعه


و دوس كون الارض صخره الصخر بجفوفه تصدعه


او عينيك اعله شوج لو لاكاك من سباحه اشعله


يا كمر جندوب ديرتنه تجرعه


تشمخ عله انسام الليالي ابزود يمشي وما يبالي


و خل اشوفن كمر تثمر ديرتنه وبساعه اشعلاته


حتى اكولن ...


كمر بيدر للصبر ..... والصبر ذاته


مفتن .. ومدرع فشك


.......... والفشك بالعازه اشحلاته ..........

مجيد السيد
05-07-2012, 12:06 AM
تكلي افرح
او يكلي افرح
وتصيح الناس كلها افرح
وادور مالكيت الفرح حتى افرح
او شكيت
اودوريت
موت العفه او لاصح
او صرخ
بيه الصبر
وانه العله المذبح
يمتخطي اعله موت الكيف
مابالموت
موت اروح
يغركان الملامه الماردت تطفح
بديك اجرح اجروحك
لو ردت تجرح
بديك ولابدين الغير
جرح الغير ماينصح
,واروح المن ؟
واورج من؟
اوحدى ابروحي الوداد
او مادريت المن
رحت
وادري الدرب لو طال
بيه اجروح مايسلن
واونن
ونة
المادامن اعله الون
واحنن
حنة العايش
الغربه اوحن
عليك
وكل هفاك اتحمله
او لاجن
يفت روحي الضمه
ونيسان كله مزن
يفت روحي الضمه
ونيسان كله مزن .

مجيد السيد
05-07-2012, 12:08 AM
السلام عليكم
هذه واحدة من روائع الشاعر العملاق(عريان السيد خلف)
أتمنى أن تنال استحسانكم




اشتريد اتسمّي...سمّينه....
تجسّر واكح اليدريك...واشخص ماين ابعينه...
وأخذ نوبك ولو للّوم ....للنجلات ما بينه...
جزرنه او حدّر السفّان...ما وجّه أعله شاطينّه...
ونشفنه ولا هرش بالروح....غزّر بي ملح طينّه....
اشعجب وهروشنه امن اتموت....
بيد الموت تبجينه....؟؟؟
ولو كل واحد ابدينه....
إلك بينه العمر منذور...
فرح عشرة وضحج ساعات...
واتمرجح ليالينه...
وهوانه وطيفنه الجذاب...والشوك البتل بينه...
إلك بينه...وإلك بينه....
ومشه المصيوب يتوجّه اعله عشرينه....
يحشّم وين المحبين...
وين الوفي اليوفينّه؟؟؟
يخوّتنه...يعشرتنه...
يشامتنه...ويواشينه...
وتبرّوا واليطيح ايكوم...
كون المستحه ابعينه...
يتل سنته ويدك الشوك....
وج يسنينّه اشبينه...؟؟؟
نشفنه ولا نداوة فيض...
بعد الموت تحيينه...
وتظل بس العتابة اطياف...
مجلوبه وتمنينه...
تمنينه...وتمنينه...
اوتمنينه العمر شمعة سهر...والريح تطفينه...
او تمنينه خيال ابماي راجد...روج يمحينه....
او تلملمنه او تبدينه...
او صبرنه اشيكدر المذبوح واشبيده اعله سجينه...؟؟؟
يصبري اتستر اعلينه...
مضيف الشوك يابو الشوك...
من نجرة فناجينه...
وعشير الماتهزه الريح...وك خفّت ميازينه...
نهاني او سنّع العشرين ...واختلّ بثلاثينه...
وحك وشلة توالينه...وحك وشلة توالينه...
لشاجج عيني ابعينه...
واكلله:الدغش بهواك ...
وك موش الدغش بينه...
هذوله احنه الزرعنه الطيب...
(شتسمينه....سمّينه....).....

مجيد السيد
05-07-2012, 12:16 AM
شمت جفوفي لكت نفسي جديدة

وكلبت وجهي لكت بصبري نهر

جاست جروحي بضح دمي قصيدة

وخبلت روحي عراريس وكمر

توسدت همي نشغ بيهة فرحهة

وشرعبت خيطين والدنية بخت

ضحكت بوجهي لكت عيني جفنهة وعانكت نومي الصبح وتحلمت

رادت تلمني لكتني بلا شريعة أستخطرت ظلهة وعلى جفوفي الجفن

وهات هات الليل يالمالك شغل بالليل هات

وهات هات الكاس يالما تعتنك بالكاس هات

الدنية لو ما بيتتهة لغيرك تلولي وتبات

دللتني أكبر وشم بجفوف أيديهة

وضوكت اسمي وعرك ركبة وخجل

وجانت لروحي سفر بأول محطة الما صحت جفنة وغفة ومات السفر

جانت ايدي دروبهة وفيهة وشمسهة

تفز لأن جفي بخواصرهة عثر

اي والله تفز لأن جفي بخواصرهة عثر

مجيد السيد
05-07-2012, 12:18 AM
السلام عليكم
اليوم جبتلكم قصيدة كلش حلوة للشاعر الرائع (عريان السيد خلف)
وأتمنى تعجبكم




اعله يا ذمّة توصيني؟؟؟....
وحياتي انت ونبض يسري بشراييني...
ويظل اسمك علامة ايوسّم اسنيني.....
ولوَنك مو دمع ....ما شالتك عيني....
ويلوموني....أحسّك تكبر بروحي...
ويلوموني....ونه بلا شوفتك شينفعن اعيوني...؟؟؟؟
يشوكي...ورجوتي...ودنياتي ولوني....
وعذابي ولهفتي....وشكواي واضنوني....
يخيّ عونك عليّه ...وبيك خيّ عوني....
يواهس تضحك الدنيه عله اشفافك....
يبو الليل الحلو اليلعب عله اجتافك....
أحس روحي تآمن بيك واتخافك....
واحسّك ....مدري شنهو انت.....
لغز لا حجي ولا سكته...
ولا غيرك نبع بالشوك يرويني...
وتوصيني ....
لونّك مو دمع ما شالتك عيني....

مجيد السيد
05-07-2012, 12:22 AM
بالكيف هو الكلب لمن يحب بالكيف

بالكيف ريح السفن لمن تهب بالكيف

الدنيا مرة بشته ومرة بسموم وصيف

هو شيشوف الجفن غير الدمع والطيف

يا هيي يابو المستحة يلعينك ولاية

بيها الحزن والفرح يتلاكن حجاية

يصير ضاع العرف والجرف مل مايه

عينك ولا كل عين مشتني بين البين

لا نفع بيها الهوا ولا نصح بيها الحيف

هو شيشوف الجفن غير الدمع والطيف

لو كحلتني بحلم بكليبي يفتك باب

وافرش سنين العمر ضحكة وزعل وعتاب
وشبكَة النسمة الزلم ومعانك اللبلاب

ومسرى الملح بالعود بية الحنين يعود

افرح ولو بالحلم يلما صحالك كيف

هو شيشوف الجفن غير الكحل والطيف

هو شيشوف الجفن غير الدمع والطيف

مجيد السيد
05-07-2012, 12:28 AM
طفح غيض الشوارب
بالفناجين
وخبط شطنة
اعلة كبرة
الماي والطين
غضب
وتنزرت ..
كل ذرة تراب
ونزع لونة العشب
فوك الروازين
عوارض
وانتخت مكحولة العين
بخوها
وسرحت زين النساوين
وهوت ....
مثا ام ولد
تتلمس الكاع
جذب من كالج ...
نجفي ...وتذلين
وحك......
ملحج وطينج
والمسافات
وحك....
حرج وبردج
والجوانين
لون ليل الهوارف
رادنة نشيل
نشيلهم جثث
وانت التضلين
عزيزة أنتي اشكثر...
واكثر تعزين
او زهة بوجة العزيز
الزود والطيب
وحضن شمس العصر
من رادت تغيب
سليلة محالة
مهيوبة اذيال
وابن نخوة وكفو
وشيمة معزيب
وسهل مثل الخبز
وي طيب الذات
وامر من الامر
وي ناكر الطيب
وسلس مثل الفرح
بعيون الاطفال
وزعل ...
مثل النمر
لو واكحة الذيب
اذا نسة الزعل
من سود الايام
يفر دولابهن
واليرضع يشيب
عراقي وكفت الدنيا من الوحام
وحالت واكتفت
ما غيرنا اتجيب
</b></i>

مجيد السيد
05-07-2012, 12:31 AM
اليكم القصيدة





ضمني ابليل ثاني وحل حلال الخِل
شحيحه افراحنه ودكانهه امعزّل
البسمه انبوكها من الآه والياويل
وصياد الهموم ابدفتره ايسجّل
ياكلبي اشبعد ؟ ومعكرات الكيف
زمّن تُوزهن ما ضن بعد تحمل
يولنّك ضواري امهذبات الناب
لامخلص يعينك لو ردت تجفل
يمشاجج زمانك حد كطاع النيط
تترجه الشفه وشكواك سِل السل
لاعاد الصبر يلجم مصب العين
ولا مثل الخلك بدموعنه انمثّل
ولاذيج المضايف عاجده الديوان
ولا سِربة وذِن برياضهن تصهل
ولا شارب يرف لو مطكت أم إعريف
ولا شكرة جعد بوجوهنه تهلهل
ولامدرع فشك ينحر صدور الخيل
وما بين اللميض ايحوّل اتحوّل
ولاصاحب ذرب ويوجّد الماذيك
يبسط خاطره وفوك الجرح ينزل
مصخت والضماير غبراهه الغيظ
وامتد الدرب وام الفرح مِثجل
وطالت والعمر كلما تلف بي طول
غم ذاك العمر من ينكضي تعلعل
شي عاشت لفو وتروم هذا وذاك
وشي كضّت عمرهه بنعم وتوسل
وشي حربة مواسم تنبت ابكل كيف
اشما بدل وكتهه الحالها اتبدّل
وشي تلهث عمر تجمع ورق وارقام
لحد كطع النفس وبمالها اتنعثل
امناحر والخلك ما تعرف المعروف
ماخذها الطمع وبلا سبب تكتل
ما ني من ارد اسولف واكشف المغلوك
يغدي الحك صبر وحجايتي اتزعّل
يالشعرك مليّل حل حلال الخل
وطول واهسّك للواهسه امخيّل
اسلم من عذاب الآه والياويل
وعللني بهواك العافيه اتعلّل
يا تالي المزن جل العمر عيسوب
فوك امروز روحي الزور صاير جل
مدنف فوك وكري ابطارف الصعبات
وصكور الروابي العاليه اتزبّل
مشكلتي الفرح ما اعرف بابه امنين ؟
وبلون الحزن من زغري متمشكل
ناورني الدمع باول مدب عالكاع
وناغمني الحزن وي رنه الجنجل
ضميت الصداكه لساعة الكلفات
وحزرت الذخر لن جودهه موشّل
حِل شعرك حبيبي الليل باجي يطول
لاخيط الفجر يستعجل من ايهل

مجيد السيد
05-07-2012, 12:34 AM
اعز من روحي اعزك وانت اعز مني
ياحسبت عمر خاويتها من اصباي
بطلت صفنتي ومابطلت مني
اجس كلبي الفضي متعوب حد الويل
وادعيلة الصبر عن لايفشلني
جسيت اليالي ابمرود الحلوات
وليالي العمر بل شيب جسني
اضحك للبجو حد شرهة المنكود
وابجي ابكل مزنتي ابطور المغني
لازحت الحية ولا ضيعت معروف
ولا خنت الوفة وربعي اجفلو مني
اكابر عل شدايد حد مصب العين
واسكت لو دثو من الناس لاسني
واسامح ما ابحر وين حد الغيض
وازلف لو حوافي الزعل وازني
وينشدني صديقي الما نشد عني
كَبل طبعك الونة وصاير تغني
كبل عينك محطة قطارك مكسور
وهسة أعلة الثجال اتفوت متحني
واجيبة ابكل برود وعود يبسلني
استراحت مستحاتي وعاكستني
الريح لاني من الهموم ولا الهم مني
اني ابن العاصيات ابن الليالي السود
ماريد الكماري ولا هنة يردني
رضعتني امي ابدمعه من عرفت الصوت
وغطتني ابحزنه من مشت عني
خذت روحي اعلى ضيم وما شكيت الحال
ويمنوني اشتبي وما كلت متمني
علمت البعض نكل الجدم عالكاع
واول ما مشة بالزلك ذبني
واكول اتغيرت والناس ما هي الناس
رضاعة قواطي وخيبت ضني

</b></i>

مجيد السيد
05-07-2012, 12:36 AM
http://www.hussamaliraq.com/poetry/alsh3er%20alsha3be/3ryan-alsayed/pic_3ryan-alsayed/b3ad-la-tothen.gif
بَعـَدْ لَتْظِنْ
* * *
بَعـَـدْ لـَتـْظِنْ
تحايلني المودّه وليك روحي إتحـِنْ
و بَعـَـدْ لـَتـْظِنْ
تكـَـــاوي امشتتاتي
وبيك بس أصفـِنْ
وأبـَـد لـَتْظـِن
يضوكَ الدمع عيني
ويطفح المجمن
مالازم فرح
كون اليحب مذلول!!
وبشوفة عيونك عاليحبها إتـْمِنْ
انا ابروحي اليتم من لحظة الميلاد
وشيكلف اليتيم الحزن من يحزِن ؟
سكـَـتني أوٌل محَبـٌـه
الكاس تلو الكاس
مُر.. وتفنـّنت بتكــَلوجي اتفنن
ونِتْ
ما قصرت... يابخت هاي الروح
ابسكـَــاي المر.. ترف مترهدن اترهدن
ونه امباري ويه طولك خاف من لاخاف
تدفه ابلهبتي
وآنه اطكَ سن ابسن
ومذاير .. حمامه وذ يّراها الباز
ومذيّر الباز .. ابيا كتر يَمـّن؟
كـفت لاملامه .. ولا ضحج شمـّات
ولاكـَال وكـَلت.. وازماط ..وتمسكن
اهي كـَطعة نفس لو رفسة الذبوح
والمذبوح
رفســه ومن بعد يسكـــــــن

مجيد السيد
05-07-2012, 12:40 AM
برد دم القصيدة
ولا ذت بسدي
كمر ..غبشة
انطفة....
وملكة الحزن عندي
مناهت..والمندوب أبركبة المجتول
وسمة.....
ولاتنثني ..ولاأعرفت حدي
جبتهن بالتدرج ...
هاي تدفع هاي
ومسايس عمر
يا هادي أتهدي
ألم بيهن سنة
وتفلت سنة من الخيط
طشة.......
وما نفعهة أتبلبسي وشدي
عطش ..وعيون عمري
استسهلاهة الكيض
لا ساجي اليمرني..ولاجدم يبدي
كلت .....
كطرة اعلة كطرة ...
وليل يعكب ليل
ويدوخ الندى..
او يلتم بلل وردي
اثاري اشما المن من وشال الصيف
حد ما وصل حلكي..ولنة متبدي
شماتة وليل....غربة
وجلمة الياحيف
يلتمن دمع ويطيحن بخدي</b></i>

مجيد السيد
05-07-2012, 12:43 AM
وبعد بيه الصبر واجد ...
يشب بيدي المكابر .
نار تلهم بأس ..
ويكضيني الشرار وطبعي اظل بارد
أزم شفه على شفه .
وناب يخلف ناب ..
كل واحد شكل .
وصوابهن واحد
مكالب ...
والليالي تريد وسعه بال ..
وهموم العلي مامرت أبواحد
وكفاني ترفعت ..
عن كلمه الياحيف ..
وسهمي شما نكص من هالوكت . زايد
أكابر عالنزف حد وشله النتاك
.. دامنته وجزت . لاجبر . ولا شد
كبل مهرة احلامي ..
تظل باثرهه الخيل .
وهسه شمااعسهه محددة تحدد
ومشاجج زماني وياي عين بعين ..
اتمهمز الكومه وصاح بيه اكعــــد
حجرني الصبر . لا سمح لا مغتاظ ..
حالي لحالتي . ولا وادد ولا ضد
لا ملكه اليدب بالروح . دفكه روح .
ولا عصرة حزن للراد عني يصــد
لاطيب الحليب .. يحرك الوجدان .
ولا صاحب وفي لعند الضنك ينشـد
بس مجمع عقارب . وين للغفلان ..
تتناوبه بسمها وبالعجل تلبــد
صحبه ليل . كاس وكهكه غمان ..
محاجيهم جذب . ومزاحهم بارد
عمت عين الليالي . وهجم بيت الموت ..
يتخطى الرعيع . وياخذ الماجد
وبعد بيه الصبر واجد ..
اظل لهالعصر شاهد ..
واصفهم بالقصايد واحد لواحد
واطشرهم . ولمهم . واحسب الف حساب .. ونقي الثوب الابيض من ردي الفاسد
ونكي ثوبي الابيض من الردي الفاسد

مجيد السيد
05-07-2012, 12:52 AM
لَمّيت المحابس ولضَمتها ابخيط عمري

وردت تدري ، وحيف ما حَسّيت

جَمّعت السوالف ، ولو خدّ او عين

جوّتني وحشتي ، وعالوهم ناديت :

ولك كَلبي توازه

وها كثر حَبّيت .


نزع جفّه اعله جَفّي

وعافني اويه الناس

مَطفي من الحزن ، حدّ زحمة الوهواس

ردت احجي

انطفه بطارف شفافي الصوت

كَتلك : هاك كَلبي . إلكَيت ظلك ناس

يا كَلبي الجدب

فاركَك طيب الطيب

وتعدّه العمر , وانكَطع نفس الياس

أوّحدك ذبل ليلك بالثلج والكاس

وحدك تنطفي

ويصعد عذابك زيت

وتخَّر عَتابه من الجدم للراس

وحدك

خيط شمعه

ولاحها النسيان

تتفتّت . رماد اوهام ، من تنجاس

تصعب

تنكسر . جف الصبر ميشوم طبعه

ولو لِنت . يالما لِنت . تنداس

وحدك . بيد وحدك

والوكت داسين

ليل يعكَب ليل

وداس ياكل داس .


يا ناكَوط عمري ، ابيا هفه اتبدّيت ؟

يا كَلبي اعله هاي اشجاك ، وتوازيت ؟

شفتك عالبعد

وأوميتلك ملهوف

بجه لحالي الجرف ، من شافك توانيت

ذبّيت الحبل واستانست بالتيّه

نزع روحي الفرح ، ومن الفرح غنيت :

ولك كَلبي توازه

وها كثر حبّيت

فضحتني دمعتي

ولاخَذت وطّيت

يل كَلبكَ طفل

وك بس إلك حَنّيت

ونشدوني : تحبه ؟

وجذب كَلت : انسيت

لا شهكَة هلا ، ولا جرس يضوي الروح

لملمت العمر

وبكَلبي صفنة ميت

كَالوا : خاف تنسى وياخذك دولاب

سديت الكَلب

واشمرت مفتاحه اعله سابع بيت .

مجيد السيد
05-07-2012, 03:45 PM
يا باب الفرح.... والحزن مد اشوف
خايف لا يهب عالي الهوى وتنسد
يا اسود رمش ...
هنيال لون الليل
جي لنة وية عينك دوم يتودد
فضلك على الحسن.... انت اخرالعنكود
وبستان الورد....لولاك ماورد
يلزفة عرس ...ضحكتك تالي الليل
وياعين الصكر ....بالزعل من تحتد
يالدلع غنج..
واليحب مو كصاي
وانت علة الجتل ...مبخوت تتكصد
ياصوغة هدايا..
وفضفضاك الليل
لا تلم بدية..ولا هدي .. وتنشد
عودني اعله بعدك
وانت ابو الطيبات
بلجي اعله الصبريمعود .. اتعود
كالولك حلو وخلوك بية اتجور
والكلك حلو .. اشوصف بيك؟وشعدد؟
اشولا... موحلو..ولا تشبه الغزلان
ولا ريح الكرنفل بيك .. ..لوورد
ولا عينك مسافة ..وبسمتك سلوان
ولاكل اليشوفك تمر .. يتحدد
ولا الله بتلاني .. وخالط الجيلين
ولا عمري .. على شربة ماي يتفرهد
ولا تزهي بشبابك... ماخذك طغيان
ولا انت العزيز... البيك بس اركد
ولا صوتك شعر ..
وحجايتك ناكوط
وبشفايفك نظارة الماوحوهة أحد
ولا غاوي ولذيذ..
وتشبهالنعناع
طيبة ... وطيبتك كل يوم تجدد
يااسهل من اسمي ...
وصعب حدالغيض
وطلاسم لو ردت وياي تشدد
صدكـــني ......... احبك حب غريب الطور
واحب صبرك علية وماكلت لحد

مجيد السيد
05-07-2012, 03:49 PM
زنجر قفل روحي


وحاير بناري

ومن كلبي اعلة كلبي
أنكطعت اخباري
ذكرتك.....
يا عشر تيام تفاحات
عشرة كل حياتي ..
وصارن اسراري
جم ليلة اعلة ليلة
ايعز علية النوم
بس حلمك توالي الليل خطاري
وتحمر بالعتب وجنات خطاري
يالطخة كحل بطوارف القمصان
من كل ما كضيتة ...
وياك تذكاري
ياوردة بنفسج ...
والكمر نعسان
وعيونك كمر للصبح كماري
يارقة نبض هنيال من حباك
وندكلك نذر للصوت للطاري
للبسمة التشع بالروح شمس اسطوح
وتتناثر شعر ما توصلة اشعاري
لعيونك.عيونك حيرتي بدنياي
جلت من حورهن قدرة الباري
وتكلي...تغيرت؟؟؟
شو مو رسومك ذيج
تمنيتك تحبني وتنجوي بناري
وكبالي اكعدكعاشك ومعشوك
واحجيلك بحال شصار وجاري
واكاسرلك حناني بطعم خمرةدير
وتسكر الزمن وتلاعب اوتاري
واغنيلك غنة ..بهداي بهداي
اعلة خيبتنة
اعلة هضمتنة
وسفنة الراحت....
وية الروح حداري...
وازعلك لذتك بالعشك من تغتاض
واتكطر شفافك عسل كنطاري
وارضيك بولك يابعد هاي وهاي
واتعذر سنة وما تقبل اعذاري
من حب اهلنة الراح مو حب هالوكت..
والعشك طياري
</b></i>

مجيد السيد
05-07-2012, 03:54 PM
كاسرت عمري اعله عمرك
كطعت ليش . . وحِـركتك
جويه مني وجويه منّك
ونتشيت . . استاهلك . . شهكة عوافي
وخيّبت ظني . . وصدك ويّاي ظنك
ماكلت عنك . . عرك جفّك ابجفّي
ولا كلت جاسك زعل . .
واشتعل دمي ابنار دمّك
أصعر . . وتستسهل . . اتشاغل خيالي
وياخذك غيّك . . خرز خلخال . . تِـطّــشّـر وألمّك
ومدري ليش . . أتمايزك وردة اكرنفل
اِتّيه روحي ابريحتك . .


واحتار من ياصفحه اشمّك
أختلي ابحسنك . . وافج كلبي واطلعك
تلعب ابعمري . . وخاف الغير يندلّـك وأضمّك
خاف تاخذني . . اعله بستانك فرحِتي . .


وحسنك يغرّك
خاف تِطشّر ولك . . وشلون المّك ! ؟
كالو : ايحبك ! !


كلت من شاف كلبه ؟
وجبّست دمعي . .


وسكن نبض الكلب . .


عن لا يذمّك
تِرسْ جفّي . . اسوالفك وحده اعله وحده
وعرك جيدك زمزمي . .


وخجلان تتعذّر !


واكلّك : لايهمّك
من تجِسني اشفايفك
تاخذني غيبه !


ومن تِرِشْني ابمزنِتَك . . ولهان افز
لن روحي يمّك ؟
اختلي ابحسنك . . وأفج كلبي واطلعك
تلعب ابعمري . . وخاف الغير يندلّك وأضمّك
وخاف تطّشّر خرز . .


وشلون المّك ؟
اشجان ضرّك . .


تختصر بعدك عليه ؟
وكلّي شكرات وحمد
للمختصر . . حسنك ابخصرك
تشرب معافي . . حناني ولهفتي
وتسكر ابدمي . .


وتنتشي ابغيّ الشذى . .


وتتعزّل اعزال من اجرّك
من جمعني وياك ؟
من شدني . . ويه طولك . .


طعّمك بيّه
وصرت حلوك ومرّك
لنها ما بالغبشه . . غبشه . . ابغير عينك
خاف اترزبيك .. حد كطع النفس
وازهك واضرك !


خاف تطشر خرز ..


وشلون المك ؟
ومن كبل .. كل شوكه عمري من الطوارف
حسبت مثل الوداد .. الفات ودك
من كبل .. وآنه الورع كحل اجفوني
وجنت اظن :


وكت التهد بيه روحي اهدك ..


لني كلما فززن صبري الليالي ..


وخان وكتي
اتوسلك .. هدوة كت خليني عندك
اوعاذرك .. لو هدل عودك ..


من كدر يحمل حسن مثلك وكدك ؟
غاذرك تغلط ابحكي
وتبخل ابظلك على النايم ابسدك
عاذرك تغتاض ..


بس من غير شاره ..


وشارتك هالبينت
ودخيل جدك
عاذرك .. عن لايهم كلبك ابهمي
وتنترس عينك دمع
وتنترس عينك دمع

مجيد السيد
05-07-2012, 03:57 PM
نفس الطريق الي بيه ذبل عمري
ونفس هاي المسافة ونفس هذا الليل
سامرني اعلة صبري
ونفس هذا الولع
والولع صحوة موت
دك بروحي
وبالنبض يسري
ونفس وجهي خلي
والدمعة نجمة ليل
عافت سمة عيوني
وبللت نحري
عايز تعتنيلي وتذبح المذبوح؟
وتكسر عبرتي
وغصتي بصدري
عبالك الخضر
تليتني من النوم
كلتلك فززتني
وكلت ماادري
خايف لاتغشني
وينفضح سري
وكل للناس عنك
واكشف المستور
واغمك بالحي
واطلعك حري
حرت باامرك
سنة دولاب عمري
يدور حركة بااثر حركة
وماصرت باامري
شنو فضلك علية
وحاطني وي الريح
خانك فرحتي
ورملاتك تذري
لامثل انحلك وتدك علية الباب
وتسر خاطري
ولاكلت متبري
معلكني باامل يادوب يشفع بيك
وتامل حلاتك
واحتمل مري
حكك من تغثني وتعتمد ضري
برادك ليل كورك واعمر ليهوب
بعد المن تجي وتنتجي ابحري
ريتك لانمت
ولاطاب بيك الليل
لاضكت الوفي
وبس دمعتك تجري
للشاعر الكبير
عريان السيد خلف

مجيد السيد
05-07-2012, 03:59 PM
كلبي على وطني
الشاعر عريان السيد خلف
يا وطني الموشوم بالقنابل
يا وطن الاشجار والانهار والجداول
يا وطن الاديان والايمان والتساهل
يا وطن الاشعار والاصرار والتفاؤل
يا وطن الايتام والارامل
يا وطني المقتول والمقاتل !

انزف صبر يا وطن .. بيّه الك ميّة جرح
كلما يهيد الالم بجروحي أذرّ الملح
افديك يا وطني لو مية مرّه انذبح
واشرب نخب هيبتك من المسا للصبح
مثلك محب ما الي ومثلك جرح ما يصح
يا رمح بضمايري لا خطا ولا صابني
كلبي على وطني

كلبي على وطني وي رشفة الفنجان
وبكل تحية صبح من حايط الجيران
لو ما انت يا حيرتي ما كان كل ما كان
من غير ارض واهل ما قيمة الانسان
بس يا خساره الاهل
من حط رحاله الجمل ..
ويّاك علو الجبل
ولارخص علج اجنبي تتخضّع وتنحني
كلبي على وطني

كلبي على وطني وي كل سحابه تفوت
وعن كل بطل ما بخل فوك التراب يموت
وعن كل دمع من يشع فوك الخد يكع بسكوت
وعن كل كمر لو ظهر وبحزن روحي انتحر
والطير فوك الشجر
ينشد بأعذب صوت
الماي من ينغلي من لوعته يغني :
انه انجوي بطيبتي وكل حي طلع مني
كلبي على وطني

اهواك يا وطني لو جنتك ناري !!
وانزفلك الدم شعر واهديلك اشعاري
كل يوم نكعد سوه واحجيلك اسراري
تفكدني من ابتعد وتزورني ابداري
وابجيلك بلا دمع واشرحلك الجاري
معذور من سرني
ومعذور من لامني
كلبي على وطني

كلبي على وطني الكل عمر جان الاهم
اسكيه بمي الدمع ويسكيني كاس الندم
انطيته حلم العمر ونطاني جنة وهم
واني مثل هلبشر هم روح دم ولحم
وما ضعف حبي اله
ولا غيرت مسكني
كلبي على وطني

مجيد السيد
05-07-2012, 04:03 PM
اسد شباج حسنك لو تعديت
وضيف اتراب جدمك وردة البيت
وسئلك لو طفح حسنك بالعيون
حلو بطبعك يالغنج لو تحليت
والمك لمت الخاطر بالعتاب
وانشدك من عطشتك ليش ماجيت
مونده روحي النسيم وليك حنيت
ومثل قطرة ندة بوردك تبديت
تمنيتك تجي بكد ماتمنيت
حتى انشدك من عطشتك ليش ماجيت

مجيد السيد
05-07-2012, 04:37 PM
تربى العين
والروح التحبك لايذه بطرواك
تنساهه؟
وهواها ابذمتك
يا الوين اشوفك وين؟
كلتلها نساج
وجفلت من الصوت
وارتاعت عليك..
وصفت بين البين
بين البيك
لسه من العشك ميحان
وانسامك عوافي لطلع البساتين
وبين اتغيرت
لا لك عرف بيها
ولاهزك نشد
من ناسنه الطيبين
ياماي الكلي
الغايض لهب تموز
ومطفي الوهيف ابحركة الضامين
يا كرمة جبل
ومهدل على الكاع عوده
ولو حويته..ايشيه شوف العين
خلي بخاطرك للماعرف ينساك
نسوه من زعل..
ونكول متصافين
لاتشمت بديه جفوف المودعين
ويظلن حرم
من ريحة الطيبين
مانه بلا صبر..
والضيم مد الشوف..
ومحمل هضيمه
وما بكالي امعين
تبعد معتمد..
وتوز عليه الشيب
يطفى اسود ربيعي ..
ويشعل التلوين
بلجن تنتجي
ويتناوشك دولاب..
ويلوح العشك..
ويشيل عود التين
بلجن من هبوبك
ينزع العاكول جلده..
وتحتيي هروشه..
اعله رطبة طين
بلجن شذر ايديك..
يشدر المحتام..
ويدوخ الندى..
وينسونا الواشين
طبع الناس عشره وناس تفكد ناس
وايام الشديده تبين الطيبين

عريان السيد خلف

مجيد السيد
05-07-2012, 04:40 PM
تين العجم//للرائع عريان السيد خلف


================
واضح بعد مايحتاج تِتعذ ّر
من نِشفـَتْ الشِفـٌه
ولونها اتغيـّر
من ثلج البديك .. يصِل صِليل وداع
والحجي السِلس بلسانك اتعثرّ
من ظلمة عيونك
والشمس رُمحيـنْ
جلجل ليلهن وتحزٌمَنْ بالشـَر
من رجفة جفوفك
والبرد بالكـَيض ..
علامة قـلب صاح الصاحبه اتـنكـّر
يامثـَنـٌي الخواصـِر
والحمول ثـكَــال
إحمولَك عِفـَه
وعـَل الخصر تتبطـّر
ياحايل ثمر .. من الجدم للراس
كل حايل ثمر
معذور من يغتـــَـرْ
ياهمزة وصل..
سبحان من ســوّاك
والخـَلـّه الظبي اعله النمر يتنمّــر
يل كـِلـّك تَــرَفْ
وشصار هالطغيــان
ربك فوكَ كل جبار يتجّبــر
ياتين العجم.. ياطعم خمرة دير
تـِسـكًًيـَني ابكـرم
وتلومني من اسكـــر!!
من تِدلع غـَــنَج
عندك عذر مقبول
رمـّــانك لـَــحَكَ
والزيج ما ينــْزَر

مجيد السيد
05-07-2012, 04:44 PM
صدك ما الومك يالبعت ودك
ولا اريدن دمعتك تنزل الخدك
نهتني الناس عنك من خذاني الشوك
بس روحي عنيدة ما انتهت منك
احبك ما انكرك حبك غريب الطور
بس حبي انتهى ودمي انفطم منك
و كصه بروحي الجفه وكل يوم الك راي
وانه الماني ويه صبري ولا انته وياي
لون تدري بحياتي اشسوه الفراك
شمس مغرب حياتي وباكها الماي

مجيد السيد
05-07-2012, 04:46 PM
البـــــــــــــــــــاب بالــــــباب

عفى انياب الدهر بحشاي شتصيب
وترادفلي ابدليلي اصواب بصواب
اون ومن ونتي اليرظع ايشيب
وعلى اليبعد عزيزه اشلون ينعاب
جذب من كال جرح اجفاكم ايطيب
كظن ســــــــنتين والبسمار ماطاب
اباريكم برة الشـــــــــاة للذيــــــب
ولاجنكم بغادين الجــدى احباب
وحنولي واذكرو ابعشرتي الطيب
ولو احنه اكلوب اجناب لجناب
العتب شيفيد لو عن ناظري تغيب
وكبل ما فاد واحنه الباب عالــــــــــــبـــابــــــ

مجيد السيد
05-07-2012, 04:48 PM
إلك والحيل حيلك يا شديد الحيل...
يا نجمة الغبشه الماطفاها الليل...
يا راية نشامه ابساعة الشدات..
لو رفت عزم تگبع وراها الخيل...
يا حال العجز منك ضعيف الحال...
هسه الحال حل ولمن تريد الحيل...
ناسك... هاي ناسك...
عالدرب ماشين...
لا يبرد عزمها ولاجدمها ايميل...
صوتك... هذا صوتك...
صوت صاحب ذات...
تترتل نشيد وطبعك الترتيل...
يا گمگم مضيف اتگصدك الگصاد
يالريحك يهب گهوه وشهامه وهيل...
يا صاحب... صبور إعله الزعل وياك...
وما تنسه الوگف شاخص...
أبوجه السيل...
ولا تحتار...
الحيره مرض.. والماي من ايحير...
تبهت زرگته ويتناوشه الزنجار...
اليسبح عنده أمل وتلوح رجله الگيش...
والعاگه فطيسه أيشيلها التيار...
مد ايديك...
تجيك الشمس عد رجليك...
تسجدلك غصب وبرادتك تندار...
كتبولك شعر من چان فيـّك حيل..
وباعوك ابرخص من گصت بيّك النار...
گتلهم يجي!..
ومن خيبتي ايضحكون..
أطفه من الخجل منهم وأحس بالعار...
اسمك ينذبح بالدرب.. بالحانات...
ياخذهم عمى وكاساتهم تندار...
لو تدري ابجفاك ابهاي روحي اشصار...
غربه.. وليل خوف.. وصبر وآنه وحيد...
والنار ابدليلي ايشيل منها الجار...
لا تحتار...
أملني ولو ضاع الامل بالحيف...
واطلعني اعله سرك ولو كلي اسرار...
خاف تموت اديه ويذبل النعناع...
ويصك الثلج وانوب ارد احتار...
يا جرحي العزيز المايصلحه أزرار...
يا صاحب دمعتي من الزغر لليوم...
آنه لصوت منك الف فدوه أندار...
يا محنة محنتي.. ويا سمير الكاس...
بس بالليل تذكرني وتمر خطار..
لا تحتار...
بعده الماي مايك يا هدير السيل...
عيب السفن ذيچ ايسوگها الحدار....
ونته النوخذه النشمي وتشم الريح...
وبليل العواصف شيمتك بحار...
ولسه اكبر فخر... ما لاحني الوهواس...
عالي ابهبتك.. والدون مني ازغار.

مجيد السيد
05-07-2012, 04:53 PM
مواسم

حتى طبع الماي موسم
والنبت موسم
ولايام التجي وتروح موسم
والمواسم من تمر علناس موسم ينتهي
وموسم جديد يبات والحب والكره
والصلح والزعلات وانسام العصاري
الطيب الحديثات
بس تبقى حبيبي وماكلت بذات


عريان السيد خلف

مجيد السيد
05-07-2012, 04:55 PM
ابين اجفون عيني اتمنى خليك
واشيلنك دمع وبوحشتي ابجيك
اشكد مرت ليالي وحال الضيم حالي
على كل ذاك صبري الراح اجازيك
اشكد بجيتني اليوم انا بجيك
جرب مثل حالي نار الفراك
وشوف اشلون منها النوم ينباك
يامفتاح روحي والسوالف بيك تحلا
والهوى يمرني ويربطني هبوبك يا ندى الغبشه
ياخطار عيني ها كثر مغتاظ من رمش الرمش زعلان تتمشى
انا حبيبك عمر زقني حنانك مثل الحميمه
وخذت طبعه وحنينه وطيبته
وفرني زماني وكبرت الوحشه
ياطير المحبه هم سمعت ابطير
ما هزه الجنين الديرته وعشه
ومواسم حتى طبع الطير موسم والهجر موسم
والايام التجي وتروح موسم والمواسم مثل الحجايات
موسم ينتهي وموسم ليبات
بس تبقى حبيبي وما كلت بذات
لاتسكن ولاتهيد اشما طفيته اتزيد
مثل جويه كليبي اليوم تجويك
اشكد بجيتني اليوم انا ابجيك

مجيد السيد
05-07-2012, 04:59 PM
جور....
اشما طفحغيظك على الناس
سليل الظيم الك بالساس نداس
لون تكبر حقد
نكبر علامات
وكذب شمس الظهر بالباع تنجاس
تذل كثره الكصص
حد لطخة الطين
وكصصنه...
ابشدة التاريخ تنباس
فرق بين اليبيع اسمه وسجاياه
وما بين الوفي
المادنك الراس
ومن بين الحزن والاه والياويل
ومن ركبت طفل..
ماكاوت الميل
ومن بين العطش
والجوع.. والنار
ومن بين الثواجل والمجاتيل
ومن بين الصبر والطيف والحيف
ومن بين الجفوف المالهن حيل
لون ليل الغدريكبر علامات
نشع نجمة صبح ونشتت الليل..
مهو وحدة الصدى الصادك مع الصوت
وابن ليلة غوه اليتهيب الموت
هلج يا كاع لا ترجف حناياج
يخون اسمهالنجه ابروحه و تعداج
ولون هبت عكس ريح التغاريب
وسحب روحه السمه
احنهعيونه اسماج
ذره ايامج كحل واسمج مواويل
ودمنه ايهون الج لو غيرنه انطاج
وحك ليل الجرح والويل والحيل
العثره اشما تصير ايفوته السيل
وحك ملحالخبز والطيب واللون
يمر الموت بينه وما يمرون
والمنازل شرعبت للنار والنار
تشب.. هلبت تفرزن دار من دار
يلطخ صفحة الانجيل كانوص
ويلوث صفحةالقران غدار
ويساوم على الشرف والناس جاسوس
ويبيع ويشتري المهزوز الافكار
وحك ملح الخبز والطيب واللون
يمر الموت بينه وما يمرون
وتهون..
اشما طفح ميزانها تهون
الوكت صهوة مهر وتجيب البطون
وعرفنه السلطوا سيفالوصايات
باسمنه شكد حجوا
وشكد يجذبون
وعرفنه الريح من تقسي ويهالاشجار
يوهسا الكطع بالخاويه ودون
الشمس غاية وشرف لليعشك النور
ودربقرص الشمس من كال مامون
وحك اخر وصيه من اليطيحون
يمر الموت بينه ومايمرون

مجيد السيد
05-07-2012, 05:06 PM
سلام اعله الدمع حاير بالعيون ,


وسلام اعله النزف حد صفرة اللون

وسلام اعله الذهول بعين الاطفال

رضعوا من الوفه وباجر يكبرون

وسلام اعله النشامه الوافوا الكاع ,


ومثل موت النخل شاخص يموتون ......

مجيد السيد
05-07-2012, 05:09 PM
شمس لونـي
* * *
اجمل ما في الكون كلمة عـــراق
عِــشكـَـْــتك حلم
بالوحشة البعيده اتسامر اجفوني
وعِــشكـَـتكَ
من ونيــن النايحـه الحره
التلم مجرى الدمـع
من عينها اعيوني
وعرفتك تستحي من العايزه الجبحه
وتـِفل فل الظفاير سفة اضنوني
وتوسمتك .. نِكـش بجفوف بدويه
وذهب ليره .. وشهامه .. اتوج شمس لوني
وتِـعودتك
حليب الوالده الطيبه
وصبرها .. وشيبها
اليتعب على امتونــي
ونذرتك وجه للنجمه الجديده
ونايل وغايه
سمارك عزّتي .. وعشاكـَك اهوايه
عشير الكل عشير ايصونك ابروحه
وبري من كل وجه لو ما حفظ مايه
اشـمّك بالجفوف الطاهره الخشنه
واشوفك بالوفي الكِصٌته امندّايه
وأبورح
لو هبوبك يلتكَـي اّبارح
واخضّر بالعطش من هيبتك دايه
انه ابغيرك كـَمر ما شافته اولايه
انه ابغيرك قلب نِـــيٌته امغـَطـّـايه
ويظل طرواك
نسمة بر.. لايرخص شرفهه
ولاهي تتعـثــّر
يمن طرواك .. خاوه الجدم والمعبر
يمن طرواك.. خاوه الجرح والخنجر
تعودتك
شهامه وخوف ومكابر
وتعـّودتك
محــّبه وليل ومسامر
وتعـّودتك .. خليل وخل
حبيب وكل حبيبه اتبيع طاريها
و ِنــِــتْ
ما بِعِـتْ طاري الراح والمجبل
يمنجل مايلف الردي من االسنبل
يذل وجـــــــه اليضدّك
ونته ابد ما اتذل

مجيد السيد
05-07-2012, 05:13 PM
من يمر بيّه حنين الصوت
اعاتب
ولو يمرني الطيف
يلكـَـــاني هله ويلكـَــاني غايب
مانه من كـَــد لهِْفتي لشوفك
شمع بسكوت ذايب
دكَ عليّه الباب
كـَــلبي . كــَـبل ما جاوب يجاوب
وابتسم لي الدنيه تحله
واحس كل الناس يحبّيب حبايب
وتدري.. من تكبر على اشفافك بَسِمْتك
يكبر ابكـَــلبي الهوى..
ومجبور اعاتب

مجيد السيد
05-07-2012, 08:08 PM
ناري بيه
وشيلت عيني
اعله دربك من كثر ما فرفحت من مايهه
الما غسل كلبك
شيلتها..
وأملتها ابشوفتك وبطاري كربك
جذبتني..
وحملتني اذنوب وذنوب العتب
زود اعله صبرك
ونته
ياشاخه وتعدت
بدوفه وعايف مصبك
فيضت عمرين بيه وعطشتني
يالتعودنه اعله مايك
غيرنه اشلون اليشربك !!
ترس عينك مستحاي
وللعتب سنين تضحك !!
وشكثر ليلك جواني
وروحي عطابه اعله جرحك
لو كضت لو هدهدتهه
اوياك دووم اوياك تشرك
ومدري بأمرك ؟
ونته لاضنة وفه
ولا وصل يالوصلك فرحتي
ابكه اكل للروح لو جرحي انلجم
ياروحي سكتي
بيش اجيتي ؟
وبيش رحتي ؟
شيبت منج وشيبتي
من كثرفيض الحجي الزايد
مثل طوفه انهدمتي
ومدري احير بلوعتج !
لو احيرن ابعملات وكتي ؟!
وانه يا انه اشكثر ليل البعد سامردمعتي !
وشكثر ونت خلك !
وانه الولا تنشال ونتي !
لو أهدلهه الرسن
جا ملخت لاكات ريتي ..
وهاي انه اوياج ابهده
وياروحي من روحج جزعتي
انه انه ..
وانتي انتي ..
لو اراويج الصبر
لو بيج اجي اعنايه اعله ذلتي
وادري بيج امعذبه
وضكتي المرار وعيب تبتي
يالمثل كطرة مطر ..
وبصبخة البذات ضعتي
مدري شمضيعه ابخلك
بيهم سبع موتات متي !
لا استحيتي من الصبر
لامن حجي العالم خجلتي
وكالو اعليج اجهرت
واتعطل الليل وعتبتي
وضيعوا بيج العرف
ونتي العلى المامش ضمدتي
لاعتب فت الصخر
لا بالكلب ساكن تحرك
يالتعودنه اعله مايك
غيرنه اشلون اليشربك!

مجيد السيد
05-07-2012, 08:13 PM
سـ،ـواحـ،ـل

يالمثل كلبي حلو بليل المحبه

وبالخواطر لو طرت

نشغه الغافل

اكثر من اسمي معزه

ومن حنيني لشوفتك

حد المناهت ونته نازل

يا سمير العين

وي ضيهه سوه

و توّمت بيكم

وانه بهم يا ريت بالضي

يوم باخل

طوحت باسمك بكل غناوه حلوه

وطولت

حد العتب والعتب كاتل

وكلبت كل ورقه

من عمر المحبه

وكلت بلجي

ولني بليالي العشك مايوم عايل

وانته سكته

اتجيبني حسبه اعله بابك

ولنك ويه العذل عاذل

سلي بيه امعاتبي لحد مشتهاته

ومن يسئلونك ...

اشنيتك؟؟

كول احاول

نوجت بشباج عمري اتريدني

وغافلت روحي
وطحت صيد بشبجتك

وابعدت جافل

وشوله كلما اتمايزك

وافرش اطباعك

تطلع اعله اربعطعش حبايه .. كامل

ومدري .. سر حبي الك .. جورك .. عليه

لو سواحل

يالعليك اتعودت

بالعشك شايل

باول طلوع النخل ... طلع حنيني

وحايلت وكتي ...اعله شوفه

ولني حايل

وصكت بروحي الليالي

وصك ثلجهه

وثلجت بيه

وعليك جناحي هادل

يطيب من اول الطيب البلورد

لو ردت اميزك

واصعب ابليل الوفه

من اعناد جاهل

مللت بيه الموده

وكلت امله

وكاشفت روحي اعله كلشي

ولني ما مل

مجيد السيد
05-07-2012, 08:20 PM
حجـ،ـوا عنـ،ـي

حجوا عني اعله كبر الكاع

كالوا : ضاع

كالوا : من ثلج .... لاحه السموم وماع

حجه عني الردي ... واليستحي من اسمه

حجه عني الرعيع ... الخاف من رسمه

حجوا : ما دروا بجروحي ... ابجلمه ما تنباع

تهتم شميتهه ... وشدت الحيل

اليكصر ردي .... و السابح اكحيل

باز امعشبات .... وبطرد المذيور

ياكل مزته ... ويرمي لغريمه الذيل

يشرب لو عطش ....من ورده الغندور

والغربان تشرب ... من بكايه السيل

طبع الدنيه الفهود اتصيد .. عز الصيد

تاكل عزته ... وتترك يسير النيل

ونه بطبعي من اصاحب .. صاحب المضنوك

لا بجي ابشديده ... ولا يراك الحيل

لا دل خاطره ...ولا وصخ الماعون

ولا ادفه ابمنامه ... اشما يجور الليل

مجيد السيد
05-07-2012, 08:27 PM
على طولك اشعلني وصيح بيه الصوت

انه بطرك النفس بين الحيا والموت

وسير نبض دمي لشهكة الزردوم

حب تالي العمر علته من البسكوت

يا شايل حلاوة خوف الحديثات

ومحمل سحر ضحكة بنات بيوت

يا مايع ترافه اتهيب من احويك

خاف اصعب عليك وخاف بيدي توت

هلكد ما حلو راج الثمر بالعود

وحمر على شفافك كبل وكته التوت

يمعود دخيلك والكلب شيصير

من تكطع بتوته منين اجيب بتوت

مجيد السيد
05-07-2012, 08:33 PM
عاتبني ابعتابك خل ترد روحي

اوهسني . . ابدلالك . . ياشتل شمام

حتى ازهك . . وشوفك وينها اجروحي

بيه اشبع غرورك . .

يا أعز جتال

يتمايل غنج لو بيه . . ثكل نوحي

تعاتبني اعله حالك . .

صار بيك الصار

جاشدل اجروحك هاي وشتوحي

كبل حبك . . جبل مالاح طرفي السيل

هسه اول زخاخ

ايغطن سفوحي !

ومنك ماروت يدعج بعد روحي

ولا رادت . . ولاسمعت . . ولاحبت

لاتحمل .. نجاة .. ابليل لوغنت

اعلمها الورع . . واطبك عليها الباب

تذكر ضحكتك . . واجهرت ماعنت

لا لامتك ليش . . وشوفك اصبح طيف

اشلون ابعدت عنها . .

اشلون ماجنت !

وعيونك ابغير عيونها اتهنت

وجفوفك ابغير اجروحها اتحنت

يا تل الورد . . تل آخر السباح

حته اطفه . . من اشوف ارويحتي انتلت

كلت انجفه الماي . .

وذبل عود الياس

والوادم نست

وبغيرنه اتسلت

وأول ما شفت طولك نسيت الصوت

وروحي بلاسبب بجفوفك افتلت

يا قمرة حياتي البعد ما هلت . .

يا انت . . وكفاني اتوهدنت وياك

تحسبني . . وحسبتي وياك ما فلت

كلمن عرف وشره . . وشال منها الشال

وتعده العمر والوادم اندلت

هسه الراح راح . . وبين ايديك الروح

بس ذمه ابركبتك يوم لو سلت !!

مجيد السيد
05-09-2012, 07:06 AM
لو ....
تشبلي العشرة عشر اشموع
باجتاف الدرب
واتزيد عذرك
او لو تدك الراس....
دك المايعز كدرة ....
او تبيع.....
ابرخص كدرك
او لو تردلي اسنين عمري ....
الماجتلها ....
اسنين عمرك
فات وطرك
اطبج جفوني ابوجه حلمك واكله
انشال وكرك
واحبس الريه بنفسها ....
اويه النفس ...
لو صرت مشرك
واسمر اجفوني.....
ابشريعة ....
كل جرح نيشان غدرك
واصبر امعاكب....
لمن ينكال ...
وك هاكبر صبرك ؟
يالنمت نوم العفه ...
او لاحسبت ..
والماي حدرك
فات وطرك ..؟
والوكت جالريح ...
وانته ...
اشياخذ من الريح صمك
يالنزف ...
بيك الصبر ...
ميت .....
ولايندار دمك
روحك ....
ابروحك كضت ...
معذور....
يالمجتول سمك ...
والته بهمة ...الكلب ...
مابيه مجان ...
ايشيل همك

مجيد السيد
05-09-2012, 11:45 PM
زيزاية

ارد اردود

زيزاية كحط

موحش فضاها

وارد اجروح الروح

من

ظنها

او سوالفها

او هواها

وارد اجنبها

الصديج

الباعها او ظنت شراها

وارد اعوف الدار

لو

واحد بعد منكم لفاها

وارد اغني

او عادة الروح

اليسليها

الشوك تتسله بغناها

(اوه امداهه الروح ..اوه امداهه )

(تمشي وره اليمشوم ..جانوا وراها )

واصبر ..اوفنه اليكول

الصبر

مادامن عذابه

وارد اسبط للوكت

لو غرز بين اجلاي نابه

وارد اون

ونه جبير العمر

من يذكر شبابه

وارد اكف العتب

عالصاحب

المايسوى العتابه

يالتريد اتعرف من كلبي

الجواه الصد

جوابه

(كلبي التولع بيك ..انغلك بابه)

او خيم عليه الظيم ..مثل السحابه )

واكطع اظنوني

اوحنين الروح

لو

حنت لاهلها

وارد احط جدام عيني

الناس

والعشرة او فشلها

وارد اعوف الدمعة

لو

رادت تكت ..الا ابحملها

بلكي

روحي تبطل العشرة

او تحط

حد الجهلها

وارد اذكرها ابسناية

الناس

والجلمة... او مثلهه

(خل روحك بعز دوم بالك تذلها

(او لاتطلب الحاجات الا من اهلها )

مجيد السيد
05-09-2012, 11:50 PM
[type=57296]
ضيعتني بغيمتك ..
وآنه على حالي اهلال ديره
وانطفيت الخاطرك .. كت للنفس .. بلجت علينه
اتجيبه غيره ....
وذوبتلك حتى اصابيع العرايس ..
وآنه هاجس ...
امشي واضحك للضحك .. وعيوني ..
بعيون اليضدونك تجابس
بس احسنهم يكولون ابكلبهم .. (( ضيعك ))
واسيتهم بيه .. وجرت منك دمعتي
وماشفتني ....
وماكلتلك ....
ضيعتني ....!
ومدري ليش الليل مو ليلي ..
ولا دنياي دنيه ..
ولا على جفوفي انلظم خيط الثلج ..
والعين ..
عميه ...
وكلت لا ينهظم راعي الروح ...
لو بينت وسط الروح ثنيه ...
و ضيعتني .....
من جنت غيبه .. وعطية الله
وعسى وياريت اشوفك ؟؟؟؟
جانوا ايدكون بابي اعليك .. واتعذر واكول الليل
هد حيله وغفه الغبشه الغبشه !!!
و العراريس ...
اعله غفوتهم .. يفل الليل طوله .. وطولك العريس
يا بعد امهاتي
يا براد الماي .. من تنشف لهاتي
وما تعديت اعله حك روحي .. وخذت منك وردتي
ولا توسلتك تفل منك شبكتي !!
بس لون..بيه ابكثر مابيك .. جا سالت دمعتي
وضيعتني ..!!!
يابو المقلم على التلوين ...
جف ابيض سماوي ...
يا فرع مسكون ... وكلوبه ضوي ..
ونفذاته تطلع عالكهاوي ...
آنه احس .. تتهدم اكتاري .. كتر يهدم كتر
واثبت ..
وطول الشمس .. جواهه ابشبر ...
عن لا تكول الناس داوي ..!
ولك يالكلك بلاوي ..!
وخاطرك .. والخاطر المرسوم بجفوفي .. وشم
بطلت اخاوي !!
ومن كلت بذات عنك .. عاتبتني ..
وضيعتني
ابكثر ما شرعت صدري .. اتنفسك ليلي ونهاري
مره نكطع ... مرة جاري ..
وآنه يا طولة خلك روحي شكثر .. صبر الصواري
جنت اشم جفي .. ابتفاطين الفجر .. من تنكطع
عالكاع وردة ...
وجان خيط الود .. كتر عندي .. وكتر عندك حبيبي
ومن ردت كربك ... لكيت الخيط سايب
ليش ..؟؟؟
يا تالي الحبايب ....
ليش ؟؟؟؟
ماكتلي اعله غفله .....
وضيعتني !!!!!!!
للشاعر الكبير: عريان السيد خلف

مجيد السيد
05-09-2012, 11:57 PM
تشريني ...تبيعني ...


للسوم ...


حدي اوياك وارضه


اوها فضاة الروح ..


خلك الكبر ..


للعطش وافضه


حتى شوكي ...


اشما ثكل ,يسهل ..


او بعضه يعين بعضه


ياملح جرحي .اشوكت ..


منك ....


ابجوية وصل نحضه


وانته غيمي المايجل ...هابخل ؟..


غيم الديم لارضه ..؟


وحنه ...


ذوبنه الوجد ...


والصبر بينه اوكات كضه


جنه ...


مطبك للفرح ..


والوكت ..


عد ..وعماد شضه


واحد بلومه ابتله ...


او واحد ..


حنين العطش عضه


يلي تجري ويه النبض ..


شلك ؟..


عله التجري اويه نبضه


تعتب ..


او شنهو التعب ؟


وشتنفع المجتول عرضه؟


يالونستي بشوفته ..


اوموتي اللذيذ...


ابليل لحضه


لاسمارك يستحي ...


او لاطيفك ايوجر واكضه


وادفن بعينك وجد ...


لاصاير ...


او لا اعله احد


واشتعل بالاه ...


لمن تستراح الروح ..


وابرد


والحلم اجفوني اعله جفنك ..


كون ...


عين بعين تنشد


خاف تزهك عبرتي ..


اودمع الجفن ..


كترين ينهد


يالغوي ..


او كحلك طبع ..


ماضاف ..


جفنك يوم مرورد


يالعله اجتافك ...


يحط ..


الليل ويرد يتفرهد


يالحلو ...


او حلوين شفنه ..


او غيرك ..


الدلال ماود


نشتهي انشوفك ...


مثل لهفة كلب ..


يعكوب وازود


يالعليك اتعودت ..


لاظل جفن ..


لاعين ..


لحد


وانته شباج الفرح ...


جاليش ..


باترف ريح تنسد .؟


وك عليك اتغربت ..


عمري


وعمر دنياي ابعد


لا وصلت الغايتي ..


او لاني ..


ابليالي الوصل مسعد


كلي :


ماينفع عتب ..


بلجي..


العتب لو رخص يرتد


حتى ابطل ونتي ...


او شوكي ..


ارد انسى الروح فرضه


واحد ابلومه ابتله ...


او واحد ..


حنين العطش عضه


تشريني ...تبيعني ...


للسوم ...


حدي اوياك وارضه


اوها فضاة الروح ..


خلك الكبر ..


للعطش وافضه


حتى شوكي ...


اشما ثكل ,يسهل ..


او بعضه يعين بعضه


ياملح جرحي .اشوكت ..


منك ....


ابجوية وصل نحضه


وانته غيمي المايجل ...هابخل ؟..


غيم الديم لارضه ..؟


وحنه ...


ذوبنه الوجد ...


والصبر بينه اوكات كضه


جنه ...


مطبك للفرح ..


والوكت ..


عد ..وعماد شضه


واحد بلومه ابتله ...


او واحد ..


حنين العطش عضه


يلي تجري ويه النبض ..


شلك ؟..


عله التجري اويه نبضه


تعتب ..


او شنهو التعب ؟


وشتنفع المجتول عرضه؟


يالونستي بشوفته ..


اوموتي اللذيذ...


ابليل لحضه


لاسمارك يستحي ...


او لاطيفك ايوجر واكضه


وادفن بعينك وجد ...


لاصاير ...


او لا اعله احد


واشتعل بالاه ...


لمن تستراح الروح ..


وابرد


والحلم اجفوني اعله جفنك ..


كون ...


عين بعين تنشد


خاف تزهك عبرتي ..


اودمع الجفن ..


كترين ينهد


يالغوي ..


او كحلك طبع ..


ماضاف ..


جفنك يوم مرورد


يالعله اجتافك ...


يحط ..


الليل ويرد يتفرهد


يالحلو ...


او حلوين شفنه ..


او غيرك ..


الدلال ماود


نشتهي انشوفك ...


مثل لهفة كلب ..


يعكوب وازود


يالعليك اتعودت ..


لاظل جفن ..


لاعين ..


لحد


وانته شباج الفرح ...


جاليش ..


باترف ريح تنسد .؟


وك عليك اتغربت ..


عمري


وعمر دنياي ابعد


لا وصلت الغايتي ..


او لاني ..


ابليالي الوصل مسعد


كلي :


ماينفع عتب ..


بلجي..


العتب لو رخص يرتد


حتى ابطل ونتي ...


او شوكي ..


ارد انسى الروح فرضه


واحد ابلومه ابتله ...


او واحد ..


حنين العطش عضه

للشاعر عريان السيد خلف

مجيد السيد
05-19-2012, 12:05 PM
روح بلا طبع
كتلي ..
انموت
والحس مايموت
وكتلي..

درب السيف جرحه
منين مايجهب يفوت

وكتلي..
عين التستحي ..من تراب اهلهه
ولاطفح بيه الملح

خلتهى ابظلمة رمدهه..
ولاشبك فيهه الصبح
وكتلي ..
وجه الناس دفتر..
نقره بهموم الجرح
اشا غطت فيضه ابتعبهه
تعتهه صفنه ..
وتنفضح
وكتلي.. عشك الماي..
عشك الماي زخه
وعشك البنادم
نفس
وضيعاني بماي وجهك
شوك باجر
ضيعاني..
ومالكتني اجفوف امس
وردت اصيح اكبال جرحك
ردت اكلك ..
ها؟
جاني الصوت اس
عثرت الدنية ابرسنه ..
وتيهت درب الشمس
وحيرتني ..
الجف يشيله السيف ..
لو هو يشيل سيفه
وضيفت جرحك ..
اجروحي
وجرح المضيفين
يقره اضنون ضيفه
وكتلي ...

عين المايونسهه دمعهه
ابيا بخت تحوي الدمع؟
وليله التشرب ضواهه
اشيبري من عدهه الشمع؟
وطبعتني اذ عن الطبعك ..
وانه روح بلاطبع طبعتني ..
طبعتني الموت سفره ..وصوغة الميت وصيته
وطبعتني ..العاب جدمه
ايبين العيب ابمشيته
وصوت
بلاية صدى ..امواكح ندامه
وعود البلايه سجى ..ابيا جف خطيته
ولني احسك
شبكة اللهفه..
وحدى البدوي بوحشته
وكمت اشوفنك ..مثل ماشوف روحي
ومدري روحي ابيا كتر وبيامن انته
وكتلي..
مجبوراليصلي بلاية دين ..
ايموت وبكلبه جبلته
وشوكتني ..
وشوكتني ..
اعدالمن ..؟؟يالشوكتني
اتسير ابالي اعله غفله
تنجفي بجروحي..
اتجيسني الشوغه
اتشوفن عيني..ونه الماليه العين
اتشوف غير اولامكم ..يالوالمتني
السكته سكته
والصبر بعده صبر
وذاك انه ..ثياب الوكت مابدلتني

للشاعر عريان السيد خلف

مجيد السيد
05-19-2012, 08:51 PM
حسن
يا
حسن
يمولع العين
الماتريد اتمل
اوتملها انته
اوتملها ادموعها
اوينجسر بيها الظل
وتسورب ويه جدمينك
تود
لو فوكها .اجدام الترافه اتحل
يمن دمنه اعله جدمك
لو
هدرته ايحل
او تمايل
راوح اعله الروح
روحي
معلمه اوتحمل
جدم يصعد ..جدم ينزل
عمرها ولاتكول
احاه
واليشجي المصيبة ايذل
اوطبع روحي
اريحيه
يشيل راس الخل
وجثير الحملوها اذنوب
كالوا
يوم ماتتمل
وكالوا والحجي
ابلاساس
ياساس الصبر يكتل
وادلل بالهوه اتدلل
ادلل بالهوه ادلل
يها الحلوين
مامش زين
ويهاهل العدل يعدل؟
يها الوكحين
مامش طيف
يطوي ارموشنه وينزل؟
وتصد انته ..ويصد الكل
هفه
وكلب الوفه امن الطيب
يهل الطيب ؟
ظل ممحل
صار
اسنين متبدل
حسن
يا
حسن
لاتنباع
بيع اهل الهوه ايخجل
شجه طيفك؟
يدك العين
يردس بابها او يجفل
ولاجنه ابدمعهه اسنين
ظل
صيف
اوشته مكيل
يضوكها الحزن
وتشوف
سهم امصابها اكليل
جرت يهل الحسن
مليت
سمجه اوفولكم تهشل
يلاكيني اويه مجرى الماي
عشره اتصيب
وحدة اتزل
واضلن
سلعه اواسي الروح
ساعة
اشتاك ..ساعة اعدل
اظلن
مثل سورة بيد
مابيهاش
غير الظل
وتكول ؛بوجه ريحي اثبت
ولك يالحسن
مابياش
طول اسنين عمري اكبت
لك دمعي اوبريامن العين
كون
الغير الشوك اتكت
يها العيش
ابنبض اهواك
ماتطلع لمن يسكت
يطيفك مايشت عالعين
الا
الشوف عنها يشت
دوايج
شو
دكحل العين
كحل
الطيف مايثبت
دواصلني
الوصل مريود
جندوب ..الدليل ايزت
عتابه
وحسرتك للموت
تبكه
ابهرش كلبي اتعت
يلمامن
زمانك داس
ماتدري شوكت ينكت
ولو
شان الكبر بالبيد

غصبن ..عالعطش ينبت
لجن بالروح كافي تعت
رهيفه
اوكصه وياها..الشوك
فوك اهمومها يحمل
وادلل بالهوه ادلل
يها الحلوين
يها الطيبين
اومامش طيف..يطوي ارموشنه او ينزل
للشاعر عريان السيد خلف

مجيد السيد
05-19-2012, 08:54 PM
وداع صدفه
اشتاكلي
المشتاك يطفه ابماي عينه
وشتعل بجروح اديه
ويضحك بوجهه الضنون
ابغير كلبه
اويبتشر
والبيه بيه
الماي يخطف عالجروف
اوداع صدفه
اويعتني الهرش اليبس
مايعتنيه
اشتاكلي
اليعثر ابظله
ايموت صاحي
واليعيش ابلايه وعيه..ابغير ظل
الشوج من ينبت ابسجه
ايبات
وبنادم ايزل
اشتاكلي
اجروحي غلاني
وعيني صبري
ودفلتي السكته
وحشتي بلايه هم
اوحجتي
الفشله التطشني
تراب
مايسواش لم
وهمي دنيه
انبعت بيه
ابغيرك انته
وشنهو معناه الجير من غير دم
اشتاكلي
اتخضر اضنوني
ابكاع صبخه
ويشبج ارموشه
اعله طرواك
الجفن
اوتشرك اشموسي
ابحضن ليلكنهار
وبحضن الغايب هوه الحاضر..حضن
اوتطفح البسمه اعله بال المبتلين
الماي يضحك
من تشك صدره السفن
اتعذرت
يابخت ليل المسعدين
ويامرارة ليشنه ابطرف اللسن
الكاع
اجنازة الميت تكوم ويندفن جنازهه
وماندفن

للشاعر عريان السيد خلف

مجيد السيد
05-21-2012, 03:02 PM
هلي ..
كتبت الكم مكاتيبي على وركات
دفتر بافره وردت طارش اليوصلهن
ماصح الطارش ومن الماش ..
كضن وحده وره الاخره..
دخان ترس صدري
وعله واهسكم خبطنه ايدين .وعرض دينه
وعله واهسكم لكينه الكصبه كعبه..
انزور حزهه كبل ليلة

ولو سفاهه ابعينه
وعله واهسكم
عرفنه الموت الاول..وستحه
وعينه انتثنت
من عينه
وجان ليل الخوف
نفحه ريح شتوه
لو شبجنه الكاع يعرك ليلنه
وهاذ بين وجنت الظلمه جوالي
اتناثرت ضحجه
ابحوافر خيلنه
وعله ريحتكم
تلكتنه الشواطي ابفرح نثية
وعانكتنه..وطحنه جلمه اثنينه
جلمه بيها الماي ذبل كل زراكه
جلمه بيهه العين
غبش كل فرحهه
وخضرت طاكات بخدود الرفاكه
باكه باكه الموت من يحصد الوادم
باكه باكه
وباكه باكه الصوت من يصحه
اعله ظالم باكه باكه
ومرت الوحشه عله اجفوفي
خرز سبحه
وتعب روجه بلم
وسالفه وضحجه ابدوية
اتموت ابطرف الندم
ومرت الظلمة تغش الشوف الابيض
والطواري
اشماهوت هام البخت
توكف علم
هلي..
وبتنه اكلوبنه اولايه
اسوالفنه ضفيره
وشوكنه الدهله
ومحبتنه وخبزنه اضنونه
وخطارنه اتراب الجزيره
وديرة ديرة الموت من يشرب
الوادم ديره ديره
وديره ديره الفيض
من يمحي .المعالم ديره ديره
وصبحت يهلي
عله اجفوني الخواطر غاليات
وطيفكم عاود على اعيوني حنينه
وجرعت روحي لجلكم حنظل الوحشه
ولكيت الروح بالصفنات امينه
وذاك من ذاك
اللكه النجمه العزيزه بلاسمه
ودك الهه عينه
وذاك من ذاك ..
اليحط كلبه اعله جفه
ويغسل باخر نزف
وجه المدينه
وبينه بينه اشما تعب لف المغازل بينه بينه
وبينه بينه اشما ثكل صوت الهلاهل بينه بينه
وجان جفي ايلاعب النسمه
وذره الكذله
عشب
وجان كلبي ايريد يكبر
اكبر من اسمه
من ذاته
ويكره ويشكه ويحب
وجنت اسميكم الذمه ..
وجنت اشيلنكم وصيه ابغير حز
ماتنكتب
عفيه نهران اشكثر خدرانه املهه
ومايهه الراجد عذب
وليله حضنتنه ابتعبنه ابخوفنه
ابيوت العشيره
وجان اول بيت ضحجه
وجان ثالث بيت رجفه
وجان سابع بيت..
سابع بيت عين
وجان دخان المواكد..
جلمه مروه
يتبع

مجيد السيد
05-21-2012, 03:03 PM
وهله
نغطة جنين
وصوغتنه اعيونهم طابك دنان
لبن شجوه
وجلمه مكطوعه نفس طول السنين
وعين عين انشدت ابتالي الطوارف عين عين
وعين عين ابلهفه تنشر عالسوالف عين عين
وعين لمتنه ابحزنهه وزوكت وجه الجرح
وعين نشدتنه ..من اجيتوا
ولاعثر يم الصبح؟؟
هلي ..
وزتتنه الضفاير
والضماير
والخناجر
والدفو الغطه الجفوف
وجانت الهلهوله خرسه..
تضيع بالشفه وتطوف
الكاع من يكبر كلبهه
يشب عشبهه
وتوصل احجياتهه
التالي الجروف
هلي..
وسيرتوا عليه ابوحشتي
احجايه بريد
وبيت نايل
واشتهيتوني اكتب الكم
عين وفه البردي
وحنين الماي
ودموع السنابل
وعيون التلم الليل دمعه
وتعتلك وكت الوفه
اشموع ومشاعل
وعن الكلوب التموت
بلايه اسم وبلايه رايه
وعن شمس طلكت بسهمه
وعسرت باول قضيه
وغربتي ..
وصوت النواعي ايلوحني
ويلتم بديه
الصوت بيه ريحه اعيوني
وبيهه هلي
اوحشة مسيه
(هلي يامن ضيعوني )
وكحه النفس ماتفعل تلين
منبت حزن ومخالف سنين
الليل لو سد الروازين
شمسين حمره ايخضر الطين
ها يامن ..
وهيه هيه العين تكضي السوالف هيه هيه
وهيه هيه الكاع من تجفي وتوالف هيه هيه
هلي ..
وشرعني هواكم باب للخطوه الغريبه
وخايرتني اعيونكم
ذل لو جتل ؟؟
وانه والموت التحمنه
ابمايكم ..ساك وحجل
الروح شاخص
والعمر بركه كمر
والموت ظل
اويه كل لمضه زمر كلبي رصاصه
اوويه كل لهبه
اصرخ بدمي
اشتعل
الدنيه من ايشح ضواهه ..
الدم ابكل حيله يهل
هلي ..
او أخر مكاتيبي كتبته الكم
عله الكاع
ابنكم باعته الدنيه
ولا باع
ابنكم باعته الدنيه..
ولا ...باع

للشاعر عريان السيد خلف

مجيد السيد
05-23-2012, 06:14 PM
خضر الياس
كل خطوة منيه
والصوايح صوت
مابين القفل والباب
مابين الستاير والشمس من تهجر الشباج
والصفنه وجع ياكل ابلب الروح:
وين انروح ؟
وين انروح ؟
ياروحي وبدينه انشيل ضبه اجروح
لذتهن نزفهن فوك الكاع
اروح اهلنه اتفوح
ويادمعات امس بعيونه اشحلاج ؟
عن ياويل تبرد نارنه
ونضحك ولو بالطيف
عن لاننكسر
وتكول عنه الناس مهضومين
واحنه اسنين بس هضم العلينه
لو على الايام
جان ابساع يطفن
واحنه ماطافين
نتبسم غصب
بس الوجع بالروح
لاذله املاكه
ولادمع مفضوح
بارينه الحزن سولة حمامة دوح
(وشيسكت حمام الدوح من ينوح )؟
يا المن غديت امشي بجدم تعبان
يثكل بالحدائق
بالدروب التجمع الصبيان
يسرع بالمكاسر
والضنك
والصوت
حتى الموت صار ايشيل خشمه
من علينه ايفوت
وندكله رجل ..هلبت علينه ايطيح
يشبخ معتمد
ويشرعب ويه الريح
انصيحه
انجر عباته
انفززه من ابعيد
يتباهه ابغلاته ومدري وين ايديح
رتب خاطرك
يبن الامس واليوم
واكعد بالشريعة اكبال خضر الياس
واشعلهن اسنينك
بلجن الغياب
بلجن بالجذب يندك عليك الباب
والله الحزن واهس
والصدك جذاب
واصبرلك بعد عشرة وعليهن زود
عودك ...عود يابس
ابد مابيه فود
يارمانة الله
اشطيحج للكاع ؟؟
والكاع اصبحت
زنجه ونداوة وطين
ياشمامة الاخبار
والسمار
والطيبين
يمدلل..يبوا تراجي ذهب
وعيون خطافات
يالماتت الدنيه
وواهسك مامات
يبن احلى غزاله وابن ذاك الحيد
ياعربيد
شو صاير تزل لو راد واوي يصيد؟
اي ..ايه اي...ايه
الدنيه درب نمشيه
ابكل مابيه
والزين الذي يكدر يقاوم بيه
للشاعر عريان السيد خلف

مجيد السيد
05-23-2012, 06:16 PM
قيل وقال
على كد مايمر الصوت
وتخضر اجروف جفونه بدمعه
وتتوسد خواطرنه على ايام المسرة
ينزف جرح كلبي
واطفي باه حركه النار
وادريها تظل جوه الرماد اتجمر ابهمي
عسى وبلجن
تلوحك من بكايا ايامنه صفنه
وتفر دولاب وكتك وين مادرنه
طرف عندك تكطع
وانه بطرافك شلت همي
ادور بالدروب الخالية من الناس
وادروب انكطع بيها النفس من زحمة الماشين
ادور بالوجوه
او لا منه
ورسومنه
وطيبه ربانه الراح
والكه بين كل مية وجه بسمه
وبكايا اعتاب ذابل
والنواظر وشلت
وانكسر بيها الخوف والرغبات
بيها وجوه مليانه زعل
ووجوه مغسوله بوكاحه وطمع ومكاسر غدر
ورسوم جذابه
يابه يا يابه
اشكد صعبه يطيح من العيون العيب
وتعوفه الخلك
وتحط بداله اشكال
وتضيع شكلها بالف قيل وقال
يامحد عرفني وكالي :
اشوازاك ؟
وتدور على حجاية صدك
وانته انبعت بالدين
محد كالي :
اليلكوك بالصفنات جذابين
يردونك تشع وتفيض
حتى اجفوفهم ماتنفضح باللون
محد كال ..
ياغفلة صفنتي
منين اطب للغيب ..حتى ادري ؟؟
وافرزن بالكلوب الطيب واللاطيب
اشلون اكعد واطش حسبات روحي
ابصحن من بلور؟
وتخير اخيار التوجع ومتخيب
اشلون ابدي من اصاحب لازم بميزان ؟
اشلون اكدر اغض الطرف
عن دمعة يتيمه
وحسرة ام وليد مارد ؟
عفيه الباب ..عفيه الباب
جيب وليدنه الحباب

للشاعر عريان السيد خلف

العاشق الحزين
07-10-2012, 12:49 PM
جميل جداً عملكم هذا اخي مجيد تحياتي لكم

مجيد السيد
08-27-2012, 10:37 PM
شكرا لك اخي للمرور والتعليق

تقبل تحياتي